龍味館

營業中

休息中

👦🏻同爸爸去完中環睇貨版，身為孝順嘅👦🏻緊係要請爸爸食番餐好嫁啦，今次就黎到位於中環既龍味館，食番餐高質既中餐！🌟龍蝦湯海鮮泡飯🦞呢個龍蝦湯海鮮泡飯真係夠哂份量，可以話係2-3人既份量。泡飯內包括海蝦、鮑魚、龍蝦同青口，再配上脆脆、紅椒同青椒增加咬落口既口感，值得一讚！而最值得一提既係，龍蝦湯底夠哂濃郁，配上鮮味十足既海蝦、鮑魚、龍蝦同青口可以話係絕配，龍蝦夠哂大隻，亦都比較容易拆殼，食落去啖啖肉，建議黎到可以一試！🌟馳名芝麻吊燒雞(半隻)🐥馳名芝麻吊燒雞係呢度既另一個招牌菜式，吊燒雞的基礎上裹上芝麻，炸後外皮酥脆鮮香，內裏嫩滑多汁。雞皮感覺真係薄過紙，配上餐廳秘製醬汁，真係好味到可以一舊雞送一碗飯！最想講既係佢雞肉經過吊燒完依然保存到肉汁，食落去依然嫩口！🌟海膽八寶豆腐海膽八寶豆腐可以話係一個幾新穎既菜式，食落去海膽鮮味十足，完全唔會有雪味，配上潔白細嫩既豆腐同埋各種配料真係味道十分之夾，又係餸飯精選既菜式。