影片
更多
2025-02-25
0 瀏覽
早幾日約朋友黎到中環嘅Quiero Más食西班牙菜。位高20樓有廣闊嘅街景，餐廳環境好靚好寬敞，仲有個天台係露天酒吧區。晚餐時段除左有單點菜色之外，仲有個6-course Dinner Tasting Menu，可以試到多款tapas同餐廳招牌菜等，唔洗諗食咩，價錢亦合理！先有每人自選兩款頭盤。36-Months Iberico Jamon。鹹香十足嘅風乾火腿，配搭清爽嘅番茄多士，呢個組合唔錯！Scallop Ceviche帶子刺身。好鮮甜好滑溜嘅帶子，配牛油果mousse同埋Lemongrass醋汁。呢個醬汁調得好好，酸酸甜甜辣辣，味道豐富，夠晒惹味又開胃！另外再加錢升級要兩隻生蠔。生蠔雖然唔算好大隻，但係都係好鮮好creamy。Tapas都係每人揀兩款。Sweet Prawns辣椒蒜蓉蝦。蝦肉爽甜唔霉，蒜蓉辣椒醬汁好香口惹味，點多士都好好味。Ham & Cheese Croquettes。炸到好香脆嘅薯仔波波，入面有鹹香嘅火腿芝士餡，薯仔好綿密。再黎多份升級嘅鵝肝多士配無花果醬。小小一件鵝肝多士，但係鵝肝好creamy充滿油脂甘香，無花果醬嘅酸甜又平衡返油膩感。主菜揀左二人份嘅S
位高20樓有廣闊嘅街景，餐廳環境好靚好寬敞，仲有個天台係露天酒吧區。
晚餐時段除左有單點菜色之外，仲有個6-course Dinner Tasting Menu，可以試到多款tapas同餐廳招牌菜等，唔洗諗食咩，價錢亦合理！
先有每人自選兩款頭盤。
36-Months Iberico Jamon。
鹹香十足嘅風乾火腿，配搭清爽嘅番茄多士，呢個組合唔錯！
Scallop Ceviche帶子刺身。
好鮮甜好滑溜嘅帶子，配牛油果mousse同埋Lemongrass醋汁。
呢個醬汁調得好好，酸酸甜甜辣辣，味道豐富，夠晒惹味又開胃！
另外再加錢升級要兩隻生蠔。
生蠔雖然唔算好大隻，但係都係好鮮好creamy。
Tapas都係每人揀兩款。
Sweet Prawns辣椒蒜蓉蝦。
蝦肉爽甜唔霉，蒜蓉辣椒醬汁好香口惹味，點多士都好好味。
Ham & Cheese Croquettes。
炸到好香脆嘅薯仔波波，入面有鹹香嘅火腿芝士餡，薯仔好綿密。
再黎多份升級嘅鵝肝多士配無花果醬。
小小一件鵝肝多士，但係鵝肝好creamy充滿油脂甘香，無花果醬嘅酸甜又平衡返油膩感。
主菜揀左二人份嘅Seafood Paella加半隻波士頓龍蝦。
賣相好靚，平底鍋鋪左海鮮飯同雜錦海鮮同半隻龍蝦。
海鮮飯有好濃嘅海鮮味，飯嘅濕潤度同口感都啱啱好。
不過略嫌飯同海鮮嘅份量就比較少。
最後當然仲有甜品。
Crema Catalana，呢個甜品值得一試！
佢個焦糖布丁好滑溜，有突出嘅焦糖香同蛋香。
Basque Cheesecake配mixed berries sorbet。
芝士蛋糕texture比較實淨嗰種，配mixed berries sorbet係幾balanced嘅配搭。
飲品方面點左兩杯mocktails。
Lychee Green好推介！
係好清新嘅荔枝香配薄荷、柑橘、Ginger Ale等，入口果香十足又refreshing，好解渴。
有熱帶風情嘅QM Colada有濃厚椰子香同菠蘿果香，口感好creamy順滑！
張貼
