影片
更多
2023-03-25
156 瀏覽
中環除咗一片密密麻麻嘅商業大廈之外，估唔到仲可以喺鬧市中搵到一片寧靜悠閒嘅後花園💐 呢間喺中上環嘅EverShine有別於一般cafe，佢主打健康清新嘅menu，等大家可以0罪惡感咁享受美食❤️🌃 環境 (4.5/5)EverShine喺中上環Soho區附近，由上環站行過去會比較近☺️ Cafe隱身喺Peel Street右轉上斜嘅位置，雖然位置隱蔽但入到去都見到有唔少捧場客❤️Cafe行清新田園風格，運用唔同嘅花朵同植物佈置，令小店溫馨得黎有生氣蓬勃🌿 EverShine店面唔大，室內位置得一張長吧檯，不過最受歡迎一定係半露天嘅室外空間🤩 店主好用心咁將平平無奇嘅空間改造成鬧市中嘅後花園🏞 雖然環境細細，但喺咁別緻嘅環境下嘆杯咖啡食個light brunch真係夠晒寫意😚😋 食物 (4.5/5)🥣 藍色螺旋藻乳酪碗 $82🍝 香煎比目魚配檸檬汁牛油拌意粉 $84🍗 鹹蛋黃羅勒雞翼 $42🍰 招牌藍莓乳酪雲石芝士餅 $68🍋 Espresso Tonic with Lemon $55🌹 Rose Cafe Latte $54EverShine主打健康輕盈嘅菜式，menu上面所有嘅食物都好貼心
🌃 環境 (4.5/5)
EverShine喺中上環Soho區附近，由上環站行過去會比較近☺️ Cafe隱身喺Peel Street右轉上斜嘅位置，雖然位置隱蔽但入到去都見到有唔少捧場客❤️
Cafe行清新田園風格，運用唔同嘅花朵同植物佈置，令小店溫馨得黎有生氣蓬勃🌿 EverShine店面唔大，室內位置得一張長吧檯，不過最受歡迎一定係半露天嘅室外空間🤩 店主好用心咁將平平無奇嘅空間改造成鬧市中嘅後花園🏞 雖然環境細細，但喺咁別緻嘅環境下嘆杯咖啡食個light brunch真係夠晒寫意😚
😋 食物 (4.5/5)
🥣 藍色螺旋藻乳酪碗 $82
🍝 香煎比目魚配檸檬汁牛油拌意粉 $84
🍗 鹹蛋黃羅勒雞翼 $42
🍰 招牌藍莓乳酪雲石芝士餅 $68
🍋 Espresso Tonic with Lemon $55
🌹 Rose Cafe Latte $54
EverShine主打健康輕盈嘅菜式，menu上面所有嘅食物都好貼心咁標明卡路里，蛋白質同脂肪含量，啱晒減緊肥嘅靚女們💓
鍾意打卡嘅一定要嗌碗靚靚嘅yoghurt bowl💙 藍色螺旋藻乳酪碗好fresh好天然，全碗都係用whole food同新鮮食材製成，有提子🍇 香蕉🍌 藍莓🫐 紫薯乾🍠 同chia seeds等等嘅材料，非常豐富✨ 而且yoghurt base都係greek yoghurt，唔會食到一般yoghurt嗰陣甜味，非常健康🥰
除咗健康yoghurt之外我仲試咗邪惡嘅鹹蛋黃羅勒雞翼🍗 通常食呢樣小食一定係炸雞配鹹蛋黃，但cafe為咗令佢無咁罪惡就改用焗嘅方式烤香隻雞翼之後再加鹹蛋黃醬🍳 鹹蛋黃醬份量慷慨，鋪滿成隻雞翼，味道鹹香油潤😛
當然如果係炸雞一定會香口啲，不過烤雞翼罪惡感就大減，可以留quota食甜品🤪
另外我哋仲試咗香煎比目魚配檸檬汁牛油拌意粉🍝 比目魚好大塊，煎得啱啱好，好彩魚骨夠大舊唔會好難處理🐟 檸檬牛油汁幾清爽，唔會好膩🍋 呢碟味道較為清淡，係light brunch 之選⭐️
靚女店主仲推薦我哋試佢地招牌嘅藍莓乳酪雲石芝士餅🍰 店主話呢個cheesecake用乳酪取代咗cream cheese，輕盈健康好多😋 Cheesecake食到yoghurt酸酸甜甜嘅味道，加埋藍莓夾層味道層次更豐富～ 口感同味道偏向日式嗰種輕芝士蛋糕，食落完全無負擔💓
呢度嘅咖啡同樣出色☕️ Espresso Tonic with Lemon 好清爽，咖啡味香濃，好適合夏天飲🍋 朋友嘅Rose Cafe Latte賣相超靚，奶味同咖啡都幾balanced同唔好過甜，兩杯都好滿意🌹
💰 價錢 (4.5/5)
Average price $200/pp
EverShine麻雀雖小但五臟俱全，餐廳設計同食物出品都可見用心❤️ 價錢以中上環cafe黎講非常合理，基本上所有食物都喺$100蚊內，係值得支持嘅小店🌹
張貼
