影片
更多
2025-01-11
1155 瀏覽
Pier 7 Café & Bar喺中環七號碼頭頂樓，地理位置一流！搭𨋢直上，一出𨋢就已經feel到陣陣海風，心情都輕鬆晒！餐廳最大賣點就係佢個露天平台，可以一邊欣賞維港景色，一邊享受美食，真係人生一大樂事！首先講吓主菜，今次係Roasted Beef Sirloin燒西冷牛扒。牛扒份量都幾足，煎得啱啱好，外層帶少少焦香，入面仲keep到juicy，肉質鮮嫩，唔會韌，食落啖啖肉，非常滿足！自助餐方面選擇都幾豐富，冷盤有煙三文魚🐟，唔會有腥味。另外仲有鷹嘴豆泥🧆，口感綿密，味道幾特別，不過就唔係人人啱口味。沙律🥗方面有藜麥沙律同西蘭花沙律🥦，兩種沙律都好fresh，啱晒追求健康嘅朋友。藜麥沙律口感豐富，配上清爽嘅醬汁，好開胃。西蘭花沙律就比較清新，西蘭花爽脆，調味適中。熱食方面，今日嘅南瓜飯🎃甜甜地，幾開胃，南瓜味都幾香濃。長通粉配忌廉蘑菇汁🍄個汁蘑菇味濃郁。普羅旺斯燉菜🍆就幾有驚喜，herbs味好香，蔬菜都煮得夠腍，入味之餘又保留到蔬菜嘅鮮甜。忌廉蘑菇湯🍄夠哂creamy，口感順滑。飲品方面，叫咗杯佢哋嘅招牌cocktail：Rooftop Garden🍹。顏色真係好靚，粉藍色漸變，由
Pier 7 Café & Bar喺中環七號碼頭頂樓，地理位置一流！搭𨋢直上，一出𨋢就已經feel到陣陣海風，心情都輕鬆晒！餐廳最大賣點就係佢個露天平台，可以一邊欣賞維港景色，一邊享受美食，真係人生一大樂事！
首先講吓主菜，今次係Roasted Beef Sirloin燒西冷牛扒。牛扒份量都幾足，煎得啱啱好，外層帶少少焦香，入面仲keep到juicy，肉質鮮嫩，唔會韌，食落啖啖肉，非常滿足！
自助餐方面選擇都幾豐富，冷盤有煙三文魚🐟，唔會有腥味。另外仲有鷹嘴豆泥🧆，口感綿密，味道幾特別，不過就唔係人人啱口味。沙律🥗方面有藜麥沙律同西蘭花沙律🥦，兩種沙律都好fresh，啱晒追求健康嘅朋友。藜麥沙律口感豐富，配上清爽嘅醬汁，好開胃。西蘭花沙律就比較清新，西蘭花爽脆，調味適中。
熱食方面，今日嘅南瓜飯🎃甜甜地，幾開胃，南瓜味都幾香濃。長通粉配忌廉蘑菇汁🍄個汁蘑菇味濃郁。普羅旺斯燉菜🍆就幾有驚喜，herbs味好香，蔬菜都煮得夠腍，入味之餘又保留到蔬菜嘅鮮甜。忌廉蘑菇湯🍄夠哂creamy，口感順滑。
飲品方面，叫咗杯佢哋嘅招牌cocktail：Rooftop Garden🍹。顏色真係好靚，粉藍色漸變，由淺至深，好似日落時嘅天空咁，打卡一流！味道方面，酸酸甜甜咁，好清新，Finlandia伏特加嘅酒味唔會太重，加上Prosecco嘅氣泡，飲落清爽之餘又帶點微醺，真係好啱夏天飲！尤其係喺戶外平台，吹住海風，飲返杯真係好chill！另一杯Mocktail，Cherry Squash🍒，顏色鮮艷奪目，充滿夏日氣息。車厘子味好突出，酸酸甜甜，平衡得好好，夠晒refreshing，唔飲酒嘅朋友都可以試吓。
張貼
