影片
更多
2018-02-02
3090 瀏覽
同屋企人食飯，通常都係食中菜，諗住翠園係美心集團，都有d保證。以前食開太古間美心皇宮，結業之後間唔中都會去下翠園食飯，但今次食明顯質素差左。我地冇叫套餐，全部散叫。叉燒好多舊都好瘦，唔夠鬆化，好失望。唔知係咪因爲我地唔係叫鐵板叉燒，所以總係爭d呢⋯🤔燒腩仔，肥瘦唔均勻，食左好幾舊都係好多肥膏......好在皮夠脆彌補返圍蝦炒滑蛋，ok啦，炒得幾香嘅，但蛋又唔係話好滑咋喎⋯上湯蒜子時蔬、鮮菌翡翠苗，純粹係想多條菜食下。😑士多啤梨🍓脆肉排最好食係呢樣喇，酸酸甜甜，肉排夠鬆化，肥瘦均勻，夠開胃！海鮮翠塘豆腐，海鮮有蝦仁同帶子，下底嘅蒸蛋白都好滑，好好送飯。珍菌炆斑腩，呢個認真搵笨，d斑腩冇乜肉食，好多塊都大大舊骨😠蝦子炆柚皮，蝦子味唔夠香，不過柚皮炆得都算入味，唔會太淋，老公咁大個仔都冇食過今次食左好多舊。裝潢同餐牌都係走中高檔路線，但味道真係冇驚喜，俾咁嘅價錢，出面有好多好選擇⋯
叉燒好多舊都好瘦，唔夠鬆化，好失望。唔知係咪因爲我地唔係叫鐵板叉燒，所以總係爭d呢⋯🤔
燒腩仔，肥瘦唔均勻，食左好幾舊都係好多肥膏......好在皮夠脆彌補返
圍蝦炒滑蛋，ok啦，炒得幾香嘅，但蛋又唔係話好滑咋喎⋯
上湯蒜子時蔬、鮮菌翡翠苗，純粹係想多條菜食下。😑
士多啤梨🍓脆肉排
最好食係呢樣喇，酸酸甜甜，肉排夠鬆化，肥瘦均勻，夠開胃！
海鮮翠塘豆腐，海鮮有蝦仁同帶子，下底嘅蒸蛋白都好滑，好好送飯。
珍菌炆斑腩，呢個認真搵笨，d斑腩冇乜肉食，好多塊都大大舊骨😠
蝦子炆柚皮，蝦子味唔夠香，不過柚皮炆得都算入味，唔會太淋，老公咁大個仔都冇食過今次食左好多舊。
裝潢同餐牌都係走中高檔路線，但味道真係冇驚喜，俾咁嘅價錢，出面有好多好選擇⋯
張貼
