影片
更多
2021-11-02
178 瀏覽
星期日晚同朋友去咗尖沙咀食飯，佢帶我穿過諾士佛台覓食👀，出到嚟原來係斜路天文臺圍嗰邊。我呢個朋友一向都好識食，捐窿捐罅難唔到佢。「Sakeh」位於寶軒酒店地下，大大個招牌好易搵，但入口處就喺一樓。餐廳裝修幾靚，頗有日系居酒屋嘅感覺🎌。佢型格得嚟唔浮誇，氣氛舒服，拍拖食飯或一班人聚會嚟呢度都幾適合。呢度提供各式各樣嘅日式串燒🍢，串燒即叫即燒，製作需時，不過佢亦控制上菜速度得宜！🐔雞頸肉，平日比較少食呢個部位，雞頸口感幾爽，又無雞腎咁韌。🐟白鱔，魚皮香脆，魚肉嫩滑，無骨。🐮汁燒牛肋，醬汁味道比較濃，感覺似叉燒醬，個人就麻麻哋。🐷豬肋肉，佢肉味唔錯，肥瘦均勻，唔嚡。👅厚切牛脷，牛脷好出色，每片都有一定厚度，肉質夠軟稔，簡單用鹽調味已經好正。🐐紐西蘭羊架，羊架屬正常發揮，以香草調味唔會失手，羊羶味亦恰到好處。🥚自家制免治雞肉軟骨，免治棒配上蛋醬食，多汁惹味，不過雞串嘅軟骨含量就唔算多。🦴雞軟骨，佢並唔係用上M字牌嘅急凍貨，食落爽脆，無多餘嘅肉。🍒荔枝豬肉卷，佢係我今晚食過最鍾意嘅串燒，五花肉包裹住荔枝肉，果肉甜甜的，味道層次豐富，好食😋。🐓雞皮，雞皮經燒烤後已經近乎將啲油去晒，質感同魚皮差唔多
星期日晚同朋友去咗尖沙咀食飯，佢帶我穿過諾士佛台覓食👀，出到嚟原來係斜路天文臺圍嗰邊。我呢個朋友一向都好識食，捐窿捐罅難唔到佢。「Sakeh」位於寶軒酒店地下，大大個招牌好易搵，但入口處就喺一樓。
餐廳裝修幾靚，頗有日系居酒屋嘅感覺🎌。佢型格得嚟唔浮誇，氣氛舒服，拍拖食飯或一班人聚會嚟呢度都幾適合。
呢度提供各式各樣嘅日式串燒🍢，串燒即叫即燒，製作需時，不過佢亦控制上菜速度得宜！
🐔雞頸肉，平日比較少食呢個部位，雞頸口感幾爽，又無雞腎咁韌。🐟白鱔，魚皮香脆，魚肉嫩滑，無骨。
🐮汁燒牛肋，醬汁味道比較濃，感覺似叉燒醬，個人就麻麻哋。
🐷豬肋肉，佢肉味唔錯，肥瘦均勻，唔嚡。
👅厚切牛脷，牛脷好出色，每片都有一定厚度，肉質夠軟稔，簡單用鹽調味已經好正。
🐐紐西蘭羊架，羊架屬正常發揮，以香草調味唔會失手，羊羶味亦恰到好處。
🥚自家制免治雞肉軟骨，免治棒配上蛋醬食，多汁惹味，不過雞串嘅軟骨含量就唔算多。🦴雞軟骨，佢並唔係用上M字牌嘅急凍貨，食落爽脆，無多餘嘅肉。
🍒荔枝豬肉卷，佢係我今晚食過最鍾意嘅串燒，五花肉包裹住荔枝肉，果肉甜甜的，味道層次豐富，好食😋。
🐓雞皮，雞皮經燒烤後已經近乎將啲油去晒，質感同魚皮差唔多。如果一客份量多啲就好。
🍠日本蕃薯，原條蕃薯切件比起甜薯仔更清甜。🌽粟米，燒粟米我鍾意食💕，佢塗上牛油拎去燒，並無燒到乾晒，又香又甜。
🍚清雞湯茶漬飯，茶漬飯細細碗，未食都已經聞到幾香。湯底用上雞湯，幾特別，因為其他餐廳多數會用魚湯。飯粒經浸泡變淋，建議要趁熱食啊。
🍡綠茶蕨餅紅豆白玉，甜品造型好靚靚。中間有兩塊威化脆餅裝住紅豆白玉，另一邊就係綠茶蕨餅，後者抹茶味醇香，口感煙韌，沾埋黃豆粉食更滋味。
題外話，我哋冇嗌酒水，但都唔使擔心，因為店員不時會主動為客人添茶🍵，特別係長直髮扎馬尾嗰位年輕靚女店員。老闆要加佢人工啦，佢服務態度超好，有禮貌，又有活力，長期掛著笑容，抵讚👍。
總括嚟講，如果想食串燒晚餐，不妨可以考慮呢度😉。開初我以為餐廳地理位置咁偏僻，應該冇乜客，點知去到見到咁爆場，你就知佢乜料啦👏！
張貼
