金沙角美食小厨

營業中

休息中

難得終於可以淨係一家三口食飯，梗係唔想再喺屋企煮啦，但落街食飯又有咩好食呢? 諗諗下不如食金沙角啦，已經就黎隔左4,5年冇黎食過晚飯黎得大排檔，老規矩當然係一人揀一個餸古法焗魚腸、腰果西芹雞丁、金銀蛋莧菜古法焗魚腸係即焗，上枱嘅時候係咁嘅樣，D邊位仲係冒緊泡，熱辣辣到一個點。依個餸已經冇乜地方可以食到，黎到金沙角當然要叫，而識叫嘅亦唔止我一家人，仲有勁多人叫，我地咁岩坐喺出菜廚房位，見到侍應出嘅餸應該有3份1都係焗魚腸同埋D椒鹽乜乜。至於焗魚腸有幾好食我就真係唔多識形容喇，自己黎試下就知。另外2個小菜都係我鍾意食嘅，發揮正常，好夠鑊氣，雖然油可能係多左少少，但唔係成日黎食都ok ge，最緊要係夠鑊氣，附近都冇咩地方有咁高質素嘅小菜是晚全場近乎滿座，我仲見到附近有枱老人家比較多嘅，叫左2,3碟煎炸野，心諗，老人家唔係通常少食熱氣野嫁咩......果然係老當益壯，我怕肥怕熱氣都係少食為妙，都係下次黎先叫啦雖然比起幾年前黎食好似加晒價，不過份量都好似又大份左，定係我細食左呢? 最後3個人叫3個小菜同2個白飯，都食唔晒，打包埋當第日返工lunch，都叫慳返餐，正。