別府駅前料理 (駿景廣場) (已結業)

❤️別府駅前料理雖然就嚟到春天，但係而家天氣都有啲凍㗎，想唔想試吓傳統嘅日本壽喜燒呢？雖然大家去唔到日本，但係都可以搭東鐵線去火炭試吓呢一度嘅壽喜燒喎！仲要係期間限定去到2月28號就冇㗎喇！大家仲唔捉緊二月嘅尾巴去試吓呢個美味嘅壽喜燒！。宮崎牛壽喜鍋$228呢一個壽喜鍋真係唔講得笑！全部都係用價真貨實嘅和牛，仲要全部都至少有手掌咁大！正宗嘅黃牛，配上最傳統嘅壽喜鍋食法：沾上無菌蛋液！喺冰冷嘅冬天真係好好嘅享受！細細聲話俾大家聽，咁靚嘅黃牛係唔需要煮太耐架！十幾秒就夠，會係佢最完美嘅狀態！呢個壽喜鍋嘅配菜都好多種類，大家仲可以加$30配烏冬或者飯，仲會送埋嘢飲添㗎！我最鍾意嘅配菜有冬菇同埋金針菇，全部都好新鮮好入味！。宮崎火灸牛拉麺$98兩個人就好似唔係好夠食，所以我哋就嗌多咗個拉麵！呢個拉麵都係用上貴價和牛。鍾意食熟啲嘅朋友，用湯料嘅餘溫，可以將佢再燙熟D，但係我認為就咁食都別有一番風味！呢度嘅拉麵偏幼身，可以鎖住啲湯汁！原本個拉麵嘅湯底，亦都好好味。。鰤魚壽司$18@呢個鰤魚壽司係$18件嘅，好抵食，比原價平咗好多！上面嘅魚好厚，口感好好，高檔嘅刺身，果然入口即溶。大家可以去試吓呢一個