別府駅前料理 (駿景廣場) (已結業)

約咗friend去火炭食嘢，見到呢間日本料理做緊期間限定「激安祭」～有連續4年攞咗日本冠軍嘅「宮崎牛」🤤同埋大分直送嘅「柑橘鰤魚」💗價錢仲好親民，至到28/2咋，即刻嘆一下先。🔶宮崎牛壽喜鍋 $228見到粉色嫩嫩嘅宫崎牛🤤霜降均勻散佈，真係令人食指大動！一客有5大片💗在壽喜湯鍋裡涮兩涮就食得，口感柔嫩滑順，油脂甘香豐富，再沾上蛋汁一起吃，滑上加滑，而鍋裡仲有好多蔬菜料，紅蘿蔔丶金菇丶冬菇丶水晶粉丶嫩豆腐等等。好豐富。🔶 鰤魚壽司 $18 /件柑橘鰤魚原來係吃柑橘長大嘅魚，可以減低魚肉嘅腥味，仲會有淡淡嘅柑橘香。入口真係好鮮甜清爽。🔶醬油柑橘鰤魚刺身飯 $98 柑橘鰤魚加入咗醬油調味去提鮮，更有風味！角切魚生份量都多，肉質彈嫩，再配以麵豉湯，食得好滿足。

❤️別府駅前料理雖然就嚟到春天，但係而家天氣都有啲凍㗎，想唔想試吓傳統嘅日本壽喜燒呢？雖然大家去唔到日本，但係都可以搭東鐵線去火炭試吓呢一度嘅壽喜燒喎！仲要係期間限定去到2月28號就冇㗎喇！大家仲唔捉緊二月嘅尾巴去試吓呢個美味嘅壽喜燒！。宮崎牛壽喜鍋$228呢一個壽喜鍋真係唔講得笑！全部都係用價真貨實嘅和牛，仲要全部都至少有手掌咁大！正宗嘅黃牛，配上最傳統嘅壽喜鍋食法：沾上無菌蛋液！喺冰冷嘅冬天真係好好嘅享受！細細聲話俾大家聽，咁靚嘅黃牛係唔需要煮太耐架！十幾秒就夠，會係佢最完美嘅狀態！呢個壽喜鍋嘅配菜都好多種類，大家仲可以加$30配烏冬或者飯，仲會送埋嘢飲添㗎！我最鍾意嘅配菜有冬菇同埋金針菇，全部都好新鮮好入味！。宮崎火灸牛拉麺$98兩個人就好似唔係好夠食，所以我哋就嗌多咗個拉麵！呢個拉麵都係用上貴價和牛。鍾意食熟啲嘅朋友，用湯料嘅餘溫，可以將佢再燙熟D，但係我認為就咁食都別有一番風味！呢度嘅拉麵偏幼身，可以鎖住啲湯汁！原本個拉麵嘅湯底，亦都好好味。。鰤魚壽司$18@呢個鰤魚壽司係$18件嘅，好抵食，比原價平咗好多！上面嘅魚好厚，口感好好，高檔嘅刺身，果然入口即溶。大家可以去試吓呢一個

去左火炭搵朋友 順便就係附近食埋晚飯😛 發現有個期間限定係宮崎牛sukiyaki！價錢亦都好抵食🥹 【宮崎牛壽喜鍋】$228宮崎牛有五大片 油脂分佈好平均！肉質嫩滑！牛味香濃！以呢個價錢真係絕對係抵食之選 有驚喜！鍋內有豆腐冬菇金針菇白菜香菜紅蘿蔔 仲有埋少量韓式粉絲！壽喜燒湯底煮真係好入味 再配埋蛋汁真係冇得輸😍【醬油柑橘鰤魚刺身飯】$98見到個menu介紹鰤魚係食柑橘長大！搞到已經好好奇到底會食到啲咩味道！刺身飯飯量真係勁大碗🤤 鰤魚厚切成粒狀 再加上醬油 少量蔥花～ 食落去真係有種好新鮮好fresh感覺！搞到好開胃 成碗飯都食得落🫢【鰤魚壽司】$18/1鰤魚肥美 油脂分佈亦都好平均😍 味道好鮮甜！ps 覺得店員都好有禮貌 好nice

餐廳舖面四四方方，裝橫地道美觀，環境乾淨舒適，位置以卡位為主，通道寬敞，坐得舒服。餐廳介紹期間限定，因為日本做緊激安祭，餐廳回饋食客，每款食物大概做到7折上下不等，因此非常抵食，吾使坐飛機就可以享受這個優惠。當然今晚要把握時機，先嘗為快。宮崎牛壽喜鍋，包括一個火鍋，火鍋配料有紅蘿蔔，豆腐，金菇菜，冬菇、粉絲、娃娃菜，和雞蛋。主角一定係宮崎牛，原裝上陣，有自己拆禮物的驚喜，味道方面可以說非常值得一食，霜降均勻分布，入口即化，有濃厚的牛肉香味，而且因為期間限定，用三分二的價錢就可以滿足食欲，不能錯過。另加$30元有一碗烏冬和一杯凍飲。烏冬煙煙韌靱吸收湯質之後更加入味可口，柚子蜂蜜茶帶來甜絲絲的感覺，解渴又消滯。鰤魚刺身，有5件，每件都有一定厚度，食落有質感，口感出色。味道方面，稍有少少魚腥味，但仍然食得出肉質係比較鮮甜的。鰤魚刺身飯，滿滿一碗，呢個鰤魚刺身稍作醬料處理，然後切成一塊塊，方便與壽司飯一齊共食，壽司飯軟淋綿密，配合刺身一齊食，正是互助互成，相得益彰。期間限定優惠只適用於二月。

食店: 别府駅前料理 @火炭張梁點餐👦🏻👧🏻1）$228《宮崎牛壽喜鍋》評分（10分滿分）：8️⃣食評💬：宮崎縣嘅黑毛牛望落已經好靚，霜降均勻散佈，脂肪豐富，口感緊緻滑順～再點一點嗰月見汁，牛肉口感更滑！嗰鍋仲有粉絲、金菇、冬菇、豆腐同埋菜，加$30可以跟嗰飯同飲品，唔錯～2）$98《醬油柑橘鰤魚刺身飯》評分（10分滿分）：8️⃣食評💬：柑橘鰤魚係食🍊大嘅魚，漁民係養殖鰤魚時，將柑橋的果皮、果渣打碎混入飼料內，可抑制魚的腥味，有淡淡的柑橘味，非常獨特！3）$98《官崎火炙牛拉麵》評分（10分滿分）：8️⃣食評💬：豬骨湯底好濃厚好creamy，牛肉嫩滑，拉麵爽口！

別府限時激安祭食靚牛✨新推出期間限定，以宮崎牛為主角的新菜單，高品質的靚牛，當中以壽喜鍋最吸引，其次牛丼和拉麵也不錯！《宮崎牛壽喜鍋》$228原價是$328，現以限量發售優惠價，的確是連續四屆日本一的靚牛！宮崎牛肉口感緊緻嫩滑，霜降部分均勻散佈，脂肪豐富，口感清爽不油膩，極度美味！點上雞蛋漿共同進食，令口感更加滑順！配上味道恰好的壽喜鍋湯底，不會過咸，甜度適中，蔬菜和菌類也足夠，滿足！此外，由大分県直送的柑橘鰤魚也是限量推介。《柑橘鰤魚刺身》$88/5片《鰤魚壽司》$18/1件原價是$128 ，現以優惠價發售，且很厚切，很抵吃！吃柑橘長大的鰤魚，能抑制魚的腥味，令魚肉色澤更光亮，口味更清爽，而且魚肉有著淡淡的柑橘味道，非常獨特！限時優惠至二月尾，抵吃高品質！千萬不要錯過！

趁仲未去到日本🥲 一於去間日本嘢醫下癮先, 有期間限定menu呢😆 去到2月28🙈.宮崎牛壽喜鍋🍲 $228見係宮崎牛就已經心心眼了😍 見有discount 就好快決定order!! 牛肉來自日本嘅宮崎縣, 所以叫咗宮崎牛🐄 啱啱連續三年攞咗日本和牛奧運會冠軍🙆🏻‍♀️ 可以話係日本和牛嘅頭位🔥 肉同脂肪嘅比例均勻, 好有肉味又唔油膩🤤 雖然只有4大舊, 但已經好滿足了😭 仲有唔少配菜, 紅蘿蔔, 薯粉, 冬菇, 豆腐 etc ~.醬油柑橘鰤魚刺身飯🍚 $98本來想食牛丼, 但係已經賣晒了🙈 所以就一於試下呢個期間限定嘅鰤魚刺身飯, 都好大碗, 入面仲有好多魚生😆 店員仲教咗我哋點食, 試咗一啖魚生先, 然後再加青檸汁, 唔夠可以再加啲豉油👍🏻.鰤魚壽司🍣 $18/件可能係因為壽司嘅關係, 鰤魚壽司嘅鰤魚, 係特別鮮, 相比起刺身飯再好食咗✌🏻.📍別府駅前料理火炭駿景路1號駿景廣場G70號舖青衣青敬路33號青衣城301號舖杏花邨盛泰道100號杏花新城地下G49號舖

經過火炭果頭想食日式野，就去咗呢間——🌟別府駅前料理🌟食Lunch，佢哋Menu選擇都算多款式，除咗拉麵🍜我見餐廳最近仲搞緊個激安祭🤩仲要係期間限定至到2月28號，食材由日本進口🇯🇵主要有宮崎牛🐂同由大分縣嘅柑橘鰤魚🐟好吸引，一定要試😋._.🍜｜黑蒜油腩肉拉麵｜🍜+$14 飛魚子沙律🥗&熱檸茶(餐）🍋拉麵套餐好抵食，裏面材料都算多，連腩肉都厚砌有幾舊，仲可以加配多份小食👍🏻我哋加咗沙律💚面頭嘅飛魚子好多好正💖·/ 激安祭 /🍣｜鰤魚壽司｜🍣由大分直送嘅鰤魚，肉質新鮮，口感好正，配埋壽司飯成啖食，令我一啖愛上鰤魚嘅味道💕·🐂｜宮崎牛壽喜鍋｜🐂壽喜燒鍋物嘅雜菜已經好豐富，而呢個嘅重點宮崎牛更加係令我期待，宮崎牛肉片牛肉味香濃，脂肪感唔會太重，點上生雞蛋🥚咁食真係好滑身，肉質嫩滑到完全唔洗點咬已經可以吞😋._.

和牛🐂有好多品種，但要講好味而且入口即溶😍一定非宮崎縣莫屬。宮崎縣出產既和牛肉口感緊緻滑順，霜降均勻散佈，脂肪豐富，口感卻清爽不油膩。已經連續4屆勇奪日本冠軍🏆「內閣總理大臣獎」！知道屋企附近既別府九州地獄拉麵專門店一連20日做『激安祭』，可以用超值激安價品賞宮崎牛同大分縣名產柑橘鰤魚我就即刻同屋企人黎試啦！優惠做到2月28日，限期限定黎嫁！🍲宮崎牛壽喜鍋 原價$328，『激安祭』只需$228！頂級宮崎縣出產既和牛油花均勻，入口即溶，而且和牛肉味濃且軟嫩。壽喜鍋套餐都配有時令蔬菜，冬菇，芋絲，甘筍同香滑豆腐等等。壽喜燒湯底甜甜鹹鹹，同和牛一齊食係絕配！🍱宮崎火灸牛丼原價$298，『激安祭』只需$98！唔好以為超值價份量會變小，呢個宮崎火灸牛丼份量超足。被火灸左既宮崎和牛🥩油香更香更濃，入口即溶！咁既質素唔使$100就食到，實在太正啦！🍣鰤魚壽司原價$25，『激安祭』只需$18/件雖然食到飽飽地都忍唔住點左2份試下，因為平時比較少食到！因為柑橘鰤魚由細到大都食柑橘🍊所以食落去一D都唔會有魚腥味， 有淡淡既柑橘味道之餘仲好爽口。🍽️別府駅前料理(火炭) 📍火炭駿景路1號駿景廣場G70號舖

別府駅前料理 (駿景廣場)火炭駿景路1號駿景廣場G70號舖今日要出火炭探個朋友，探完之後好肚餓，決定搵間餐廳醫下肚。喺駿景廣場呢度有好多餐廳，自我俾呢個招牌吸引咗，決定過嚟試吓日本菜。入到餐廳環境好大，座位好闊落，播住啲好輕鬆嘅音樂，令到個人即刻冇晒壓力，餐牌上有唔同種類嘅食物，簡直令人眼花撩亂，全部都心大心細想試吓，而我同朋友都好快揀咗嘢食。宮崎牛壽喜鍋趁天氣仲係涼兩地嘅時候梗係要試吓呢個壽喜鍋啦，佢係來自日本嘅宮崎縣，所以個名叫做宮崎牛，一上菜嘅時候俾佢嘅賣相吸引住，牛嘅油脂分布平均，稍為淥一淥就已經食得， 食嘅時候佢嘅口感好嫩滑，好重牛味，而且壽喜鍋上面亦都有大量配菜，真係一分錢一分貨㗎。麻辣燒牛肉丼餐牌上面寫住店長推介，梗係要試一試佢啦，牛肉分量超多，但亦都唔少，加上好香嘅麻辣味，令到我哋食唔停口，仲配埋流心蛋，正到飛起！三文魚軟殼蟹卷有四大舊，三文魚仲要係厚切，而軟殼蟹脆卜卜，呢兩樣配搭，簡直係絕配！

放lunch諗唔到食咩好，經過駿景廣場見到有間日本餐廳睇落唔錯咁，就入去試下😊😊午膳時間只得一個鐘，所以就叫左碗黑蒜油豬骨拉麵🍜湯底聞落好濃郁，黑蒜味好香，我好中意😍😍😍豬軟骨都好腍又入味，而麵都唔錯，午餐必選👍🏻

我好少寫食評，但今次我想加許下呢間野。我係附近返工，lunch通常都想自己一個靜下，呢次第二次來，食左個雖然唔太正宗既牛肉壽喜燒，牛肉係過熟，如果鋪係面會好D，味道中規中矩，份量夠加埋碗靜岡米飯🍚基本上都夠飽，見佢小食唔貴，加少少錢叫埋個蟹籽青瓜沙律，之後睇到加幾片刺身都係幾十蚊，咁就再來個雙拼啦，果然有驚喜，赤貝切得好靚，希靈魚又大片，擺點有心思，食完出去堆單壽司師傅仲好有禮貌咁同我講多謝晒，值得一讚。呢餐飽晒大滿足。😋

星期日晚本來打算新城市廣場吃日本菜，但差不多間間餐廳也排長龍，決定轉戰一站之隔的火炭。這處停車場，食肆也不用排隊，直接入坐，方便得多。食物沒什麼驚喜，一貫連鎖式餐廳的食物標準，但這裡會不定期有廚師推介，值得留意。七味三文魚骨味道不錯，一定要襯熱食，外皮香脆，內裡肉滑，加點檸檬汁，味道更突出。燒安格斯牛肉飯，不要因為安格斯牛而有所期望，味道跟吉X家牛肉飯差不多，只是肉比較嫩滑一點，肥肉少一點。

呢間嘢喺度已經好耐,但係從來都未食過,咁啱今日有時間同阿仔去食午餐,我叫咗個唔知咩闊麵加飯糰,阿仔就係拉麵炸雞,凍檸茶巨峰提子梳打我嗰個唔知咩闊面,得兩啖,嗰個飯團又乾又凍,啲飯煮到爛曬,一劈漿糊咁硬掘掘阿仔個拉麵叫做入到口,炸雞係凍又唔脆凍檸茶加咗十倍水,無茶味,冇檸檬味巨峰提子先神奇,完全冇提子味,合埋隻眼飲,根本唔知係乜嘢總括呢一間係垃圾,唔使錢,都唔會去,好難明白點解咁多人去,唔通住喺樓上啲人,都係冇味覺嘅?本來有張收據,但係前兩日手痕delete咗,唔好意思

別府有好多分店，但我只幫襯過火炭呢一間，因為以前我係街坊，我lunch就會成日去食刺身飯，一嚟減肥啦...刺身飯係減肥嘅好朋友；二嚟佢真係新鮮兼抵食！佢哋個lunch menu 會有好多sets，但點樣轉menu都一定會有一個刺身飯，絕對唔會令人失望。今次我路經此地，就叫咗個相色三文魚刺身飯，一邊係火炙、另一邊係刺身，火炙嘅三文魚會滲出魚油...滲落飯，好好味😋。食得出三文魚都好新鮮，另外仲有一個麵豉湯，同埋一杯嘢飲，都係$86。lunch仲要唔限時，可以坐低慢慢食慢慢傾～