影片
更多
2020-03-31
8435 瀏覽
我Bookmark咗呢間餐廳好耐㗎喇，之前一月嘅星期日嚟過一次，但竟然內部維修唔營業，激死我！今次我哋打電話訂定枱，實行無走雞。我哋準時夜晚六點半鐘去到，由天未黑🌕食到天黑🌑。餐廳環境好靚，大部份座位都係靠近大玻璃窗😛，另外亦劃分咗唔少包箱，應該可以包個細場做Party。最特別係門口有幾個魚缸🐟，中式酒樓以外好少見！我仲留意到餐廳貼咗啲圖片出嚟介紹「趙保記」海鮮檔，Google完發現原來餐廳係海鮮檔嘅後人開，而餐廳嘅海鮮亦係來至嗰到，所以全部都好新鮮、生猛！我哋入座後，年輕女店員隨即送上餐牌同水。成間餐廳話大唔大，話細唔細，但主要得佢一個滿場飛，超厲害，勁專業，就連喺魚缸撈海鮮俾廚房，都係由佢一手包辦👍。既然週末都有得叫套餐，就梗係唔好執輸啦！我哋叫咗精選套餐($288/1位)，包沙律、前菜、湯，主菜同甜品，都幾豐富😙。餐廳行西日Fusion路線，主打海鮮，價錢還好吧，屬合理水平，始終餐廳位處於灣仔區，加上環境都加哂分。首先，我哋各自有一份時令野菜沙律🥗，味道不過不失，我鐘意佢加咗蟹籽仔，開胃呀。是日餐湯係大蜆麵豉湯🥣，湯夠哂熱，而且隻蜆真係好大隻，爽！刺身三款🍣拼新鮮南非磯煮鮑魚配鮑
我Bookmark咗呢間餐廳好耐㗎喇，之前一月嘅星期日嚟過一次，但竟然內部維修唔營業，激死我！今次我哋打電話訂定枱，實行無走雞。我哋準時夜晚六點半鐘去到，由天未黑🌕食到天黑🌑。
餐廳環境好靚，大部份座位都係靠近大玻璃窗😛，另外亦劃分咗唔少包箱，應該可以包個細場做Party。
最特別係門口有幾個魚缸🐟，中式酒樓以外好少見！我仲留意到餐廳貼咗啲圖片出嚟介紹「趙保記」海鮮檔，Google完發現原來餐廳係海鮮檔嘅後人開，而餐廳嘅海鮮亦係來至嗰到，所以全部都好新鮮、生猛！
我哋入座後，年輕女店員隨即送上餐牌同水。成間餐廳話大唔大，話細唔細，但主要得佢一個滿場飛，超厲害，勁專業，就連喺魚缸撈海鮮俾廚房，都係由佢一手包辦👍。
既然週末都有得叫套餐，就梗係唔好執輸啦！我哋叫咗精選套餐($288/1位)，包沙律、前菜、湯，主菜同甜品，都幾豐富😙。餐廳行西日Fusion路線，主打海鮮，價錢還好吧，屬合理水平，始終餐廳位處於灣仔區，加上環境都加哂分。
首先，我哋各自有一份時令野菜沙律🥗，味道不過不失，我鐘意佢加咗蟹籽仔，開胃呀。
是日餐湯係大蜆麵豉湯🥣，湯夠哂熱，而且隻蜆真係好大隻，爽！
刺身三款🍣拼新鮮南非磯煮鮑魚配鮑魚肝醬，刺身船非常有氣勢同吸睛。女店員話師傅今日幫我哋啲刺身升咗級，因此有三文魚、中拖羅同甜蝦🦐。三款都係厚切，味道唔錯。
新鮮南非磯煮鮑魚配鮑魚肝醬
39 瀏覽
0 讚好
0 留言
活鮮蟹鮑魚汁焗飯
48 瀏覽
1 讚好
0 留言
隻蟹🦀真係好大隻，啲肉好Firm，味道超鮮甜，我諗應該係因為啲蟹係新鮮即劏即煮吧。不過出街食蟹真係好麻煩，就算有工具都未必食得好乾淨，但呢隻蟹真係好好肉。
至於個鮑魚汁焗飯本身都非常出色😋，每粒飯粒都入哂味，連平日唔好食飯嘅我，都食咗勁多啖🍚。由於個鍋夠熱，食到最後邊邊啲位整到少少飯焦，朋友勁鍾意。
烏龍茶果凍
39 瀏覽
0 讚好
0 留言
最後，當然唔少得額外追加嘅蜜糖脆脆鬆餅🥞($88)配鮮菓加雪糕($28)，一場嚟到點都要試埋餐廳嘅招牌甜品。
蜜糖脆脆鬆餅
$88
35 瀏覽
0 讚好
0 留言
蜜糖脆脆鬆餅
$88
37 瀏覽
0 讚好
0 留言
總括嚟講，「御家」呢間海鮮餐廳真係好高質，食物、環境、服務同衛生等方面都令人十分滿意。佢比起同大廈另一樓層嘅餐廳優勝勁多(如果你知我講邊間😒)，值得更高人氣。再者，呢到成個氛圍好適合慶祝生日或者紀念日，你享受緊嘅唔止係食物，而係成個用餐體驗🍽。
張貼
