影片
更多
2019-01-25
41 瀏覽
中日韓泰日日無限loop，呢排睇緊個旅遊節目講西班牙，見到d tapas流哂口水，所以今日決定揀間西班牙餐廳試下！揀La Paloma 貪佢夠就腳，由西營盤地鐡站出嚟行2分鐘就到！ 一入到間餐廳已經好感大增！職員態度親切，牆上有好多鴿子嘅裝飾品，返屋企search 先知原來La Paloma解做鴿子，不得不讚店主嘅用心！嚟到西班牙餐廳梗係要嗌返d tapas先叫食過西班牙菜，我地今日揀咗3款。食西班牙菜又點少得SangriaSalmon TNTSmoked salmon配埋chipotle cream, 味道清新，個source 同salmon好夾，下面塊餅脆卜卜，增加咗成個組合嘅口感Bacon con queso 煙肉卷住注入咗cheese嘅脆餅，一咬落去，d cheese爆哂出嚟，真係好正！pulpo a la gallega 八爪魚腳配以薯仔，仲加咗我最鐘意嘅煙燻紅椒粉，八爪魚完全唔靭，煙燻味仲好香Cochinillo西班牙乳豬，一食驚為天人！皮非常脆，肥嘅部分煮得啱啱好，完全唔會覺得太油膩，好食到我忍唔住問咗職員點煮，原來佢地醃咗4，5個鐘再slow cook十幾個鐘
揀La Paloma 貪佢夠就腳，由西營盤地鐡站出嚟行2分鐘就到！
一入到間餐廳已經好感大增！職員態度親切，牆上有好多鴿子嘅裝飾品，返屋企search 先知原來La Paloma解做鴿子，不得不讚店主嘅用心！
嚟到西班牙餐廳梗係要嗌返d tapas先叫食過西班牙菜，我地今日揀咗3款。

食西班牙菜又點少得Sangria

Salmon TNT
Smoked salmon配埋chipotle cream, 味道清新，個source 同salmon好夾，下面塊餅脆卜卜，增加咗成個組合嘅口感

Bacon con queso
煙肉卷住注入咗cheese嘅脆餅，一咬落去，d cheese爆哂出嚟，真係好正！

pulpo a la gallega
八爪魚腳配以薯仔，仲加咗我最鐘意嘅煙燻紅椒粉，八爪魚完全唔靭，煙燻味仲好香

Cochinillo
西班牙乳豬，一食驚為天人！皮非常脆，肥嘅部分煮得啱啱好，完全唔會覺得太油膩，好食到我忍唔住問咗職員點煮，原來佢地醃咗4，5個鐘再slow cook十幾個鐘，至於點醃當然係唔話得比我知🤭

西班牙炒飯
食西班牙菜又點可以少得西班牙炒飯，自問對飯有d要求，最怕食到生米，好彩今日呢個飯無令我失望！雞肉仲煮得啱啱好，仲好嫩滑！

最後我地仲叫咗個churros做甜品
Churros炸得啱啱好，熱辣辣仲脆口，點埋朱古力同雪糕，為晚餐畫上完美句號
除咗食物好味，餐廳一路播住輕快嘅西班牙音樂令人置身於西班牙一樣
張貼
