影片
更多
2021-07-27
970 瀏覽
終於食到呢間人氣大排檔喇。朋友mark準日曆6月頭開放7月訂位時間，finally~~! 期望愈高 失望愈高，但呢間餐廳食物無令到我失望喎😝朋友遲到，我地先入座，嗌左小炒王同黃金蛋黃九肚魚先！小炒王幾好食，好有鍋氣，啲蔬菜咬落去爽口而不淋，腰果切半雖然有汁，但咬落去都脆卜卜^^ 九肚魚就比我想像中多少少，由我張相睇得出係幾大條 仲要條條脹卜卜，岩岩炸起好熱，擺落口好有滿足感，雖然係黃金蛋黃，但味道又唔會太咸！跟住就上呢道招牌菜。如果中意食黑松露嘅你，呢碟應該好滿足到你～又係岩岩煎起，好熱好香！不過只得7塊墨魚餅，可能好食關係，略嫌份量有啲少🥺呢碟海山骨我就唔太識欣賞喇。因為我自己唔太中意食呢類肉同骨，食左兩舊 覺得無咩味，但我對面果兩個朋友一口氣清哂話好食😂我地將個拔絲擺左喺咕嚕肉等佢溶。無咩耐性 😂我地用筷子擾下佢～ 好甜呀呢碟！咕嚕肉啖啖肉又多汁，仲有幾舊蜜糖磚，超級有味餐廳分左兩個舖位，其實樓面面積不算大，只放到5-6張台，但外賣單就見佢不斷出。食完呢次亦明白點解咁有人氣，加上依家交通方便左，再去多次都無問題👍🏿
朋友遲到，我地先入座，嗌左小炒王同黃金蛋黃九肚魚先！小炒王幾好食，好有鍋氣，啲蔬菜咬落去爽口而不淋，腰果切半雖然有汁，但咬落去都脆卜卜^^
九肚魚就比我想像中多少少，由我張相睇得出係幾大條 仲要條條脹卜卜，岩岩炸起好熱，擺落口好有滿足感，雖然係黃金蛋黃，但味道又唔會太咸！
跟住就上呢道招牌菜。如果中意食黑松露嘅你，呢碟應該好滿足到你～又係岩岩煎起，好熱好香！不過只得7塊墨魚餅，可能好食關係，略嫌份量有啲少🥺
呢碟海山骨我就唔太識欣賞喇。因為我自己唔太中意食呢類肉同骨，食左兩舊 覺得無咩味，但我對面果兩個朋友一口氣清哂話好食😂
難忘漁港蝦醬骨（海山骨）
$98
53 瀏覽
0 讚好
0 留言
我地將個拔絲擺左喺咕嚕肉等佢溶。無咩耐性 😂我地用筷子擾下佢～ 好甜呀呢碟！咕嚕肉啖啖肉又多汁，仲有幾舊蜜糖磚，超級有味
菠蘿拔絲咕嚕肉
$99
68 瀏覽
0 讚好
0 留言
餐廳分左兩個舖位，其實樓面面積不算大，只放到5-6張台，但外賣單就見佢不斷出。食完呢次亦明白點解咁有人氣，加上依家交通方便左，再去多次都無問題👍🏿
張貼
