翠林辣蟹舫

今次介紹呢間餐廳都已經幫襯左過好多次，通常一大班人食飯、飲酒、吹水，都會黎呢一間翠林辣蟹舫。除左辣蟹出名同埋有好多網紅打卡之外，最主要款款小菜都大份又好食，而且價錢相當合理，仲會每個月更新菜式，保證有驚喜！黃金豆腐 $68前菜一款大人細佬都鍾意既黃金炸豆腐，真真正正外脆內嫩一咬勁鬆化既口感，撒上椒鹽認真和味！椒麻酸菜魚 $288酸菜魚一直都受人歡迎既菜式，呢間餐廳既酸菜魚，酸、辣特別出色，會見到特別多既酸菜同埋辣椒放面，內裡仲有唔同種類既配菜，例如蓮藕、木耳等。避風塘羊腩 $188餐廳話係今個月既新菜式，個羊腩用避風塘蒜蓉烹調，完全蓋過羊鬚既味道，香濃又帶點辛辣既激情，咬口非常鬆軟，值得一試！金勾煮葫蘆瓜 $128金勾包括蝦米、肉碎、粉絲等煮葫蘆瓜，用熱煲烹調既蔬菜，有少少湯汁既精華有種鮮甜既感覺，算係比較創新既菜式。