影片
更多
2024-06-28
21 瀏覽
重房omakase前菜：兩味中先吃左手邊嘅白酒啫喱配蕃茄，清爽鮮甜先開一開胃。然後再食右手邊嘅水雲，上面擺放咗蟹肉，底下配以自家制酸汁，酸酸甜甜正好預熱一下味蕾。刺身：嚴選夏季當造嘅北海道紫針海膽，味道相對清甜，配以魚籽、白蝦及法國魚子醬，保留到海鮮嘅鮮味，但帶黎更豐富嘅層次。特別選用四國蜜柑鯛，魚肉帶有淡淡嘅柑橘甜香，口感柔潤。第一片配搭醬油及新鮮柚子皮，品嘗原汁原味。第二片可額外加入芥末品嘗。象拔蚌刺身灑上岩鹽，口感爽滑彈牙，岩鹽正好帶出鮮味，可加入適量芥末品嘗。鮟鱇魚乾混和黃蘿蔔放在鱈魚乾上面，再添加魚子、銀箔及可食用花瓣，睇得又食得，味道厚實中帶清甜，口感柔中帶脆。選用日本第一的長崎小長井華漣牡蠣，加上自家制啫喱和蘿蔔蓉，令生蠔本身嘅清爽口感更上一層樓，而蠔肉本身嘅甘甜和奶油香亦別具風味。新鮮嘅螢光魷魚配上五色芝麻，肉質彈牙有咬口，散發獨特嘅甘香。另外附有磯煮鮑魚配鮑魚醬，亦係店舖嘅招牌菜。特別以味醂、糖、醬油、昆布等等配料煮浸，非常鮮甜。地金目鯛魚灑上烏魚子粉，把魚皮烤至微脆，地金目嘅油香以烏魚子中和，魚皮嘅脆與鯛肉嘅嫩達至微妙嘅平衡。紫菜包住半肥瘦嘅中拖羅，另一邊係非常罕有
前菜：
兩味中先吃左手邊嘅白酒啫喱配蕃茄，清爽鮮甜先開一開胃。然後再食右手邊嘅水雲，上面擺放咗蟹肉，底下配以自家制酸汁，酸酸甜甜正好預熱一下味蕾。
刺身：
嚴選夏季當造嘅北海道紫針海膽，味道相對清甜，配以魚籽、白蝦及法國魚子醬，保留到海鮮嘅鮮味，但帶黎更豐富嘅層次。
特別選用四國蜜柑鯛，魚肉帶有淡淡嘅柑橘甜香，口感柔潤。第一片配搭醬油及新鮮柚子皮，品嘗原汁原味。第二片可額外加入芥末品嘗。
象拔蚌刺身灑上岩鹽，口感爽滑彈牙，岩鹽正好帶出鮮味，可加入適量芥末品嘗。
鮟鱇魚乾混和黃蘿蔔放在鱈魚乾上面，再添加魚子、銀箔及可食用花瓣，睇得又食得，味道厚實中帶清甜，口感柔中帶脆。
選用日本第一的長崎小長井華漣牡蠣，加上自家制啫喱和蘿蔔蓉，令生蠔本身嘅清爽口感更上一層樓，而蠔肉本身嘅甘甜和奶油香亦別具風味。
新鮮嘅螢光魷魚配上五色芝麻，肉質彈牙有咬口，散發獨特嘅甘香。另外附有磯煮鮑魚配鮑魚醬，亦係店舖嘅招牌菜。特別以味醂、糖、醬油、昆布等等配料煮浸，非常鮮甜。
地金目鯛魚灑上烏魚子粉，把魚皮烤至微脆，地金目嘅油香以烏魚子中和，魚皮嘅脆與鯛肉嘅嫩達至微妙嘅平衡。
紫菜包住半肥瘦嘅中拖羅，另一邊係非常罕有嘅部位「腦天」，再以紫蘇葉平衡、少量鹽調味，打造出一個脂香四溢、口感嫩滑無比、層次分明嘅獨特體驗。
立鱗燒嘅魚鱗酥脆，魚肉細滑，入口鮮味十足。匙羹上嘅分子料理係南瓜湯球，外層破裂後，湯汁湧出，鮮甜可口。
壽司：
深海池魚經烤炙逼出油脂，再點上麵豉醬，口感順滑肥嫩。
中拖羅油脂分布平均，肉味香濃。
赤貝色澤鮮美，肉質爽厚清甜。
日本竹籤魚經燒炙皮下脂肪，帶出油香，口感軟腍。
北海道馬糞海膽，相比紫海膽味道較為濃郁，香味充滿口腔，食後有回甘。
最後有湯品及甜品收尾，為整個美食冒險之旅畫上完美句號。
張貼
