六如

營業中

休息中

朋友介紹中環呢間中菜餐廳六如 前身係三小漁 主打中式私房菜 料理精緻但價錢一啲都唔離地✨典雅嘅裝修亦令人眼前一亮下午有午市套餐 有優惠價加配燉湯/前菜小食/甜品 2點後入座仲有8折🥢ꕥ 燉湯好清甜嘅燉湯 材料好足 入面有瘦肉/烏雞同蜜棗 好啱而家嘅天氣飲🌞ꕥ 前菜小食賣相非常精緻🌟黑色嘅竹炭黑磚豆腐 外層係脆卜卜嘅口感 中間豆腐滑嘟嘟 層次豐富 而油茶菇煙燻溏心蛋 蛋黃流心吸引 油茶菇醎香惹味仲有一份冷盤香檸凍蝦 有3隻大蝦 集甜酸辣於一身 清爽開胃🍋ꕥ 鮮菠蘿咕嚕肉 又係我至愛嘅咕嚕肉 豬肉嘅肉質鮮嫩緊實 肥瘦均勻🐖醬汁嘅甜酸度做到啱啱好 ꕥ 私房黑蒜蒸龍躉件 好似第一次食黑蒜蒸魚 又香又惹味 黑蒜嘅味道比普通蒜頭更有層次🧄龍躉肉質細緻 魚肉下個有啲粉絲 索晒醬汁 送飯一流🍚甜品係精制紅棗糕同香芒布甸🍮呢度嘅老闆娘超niceee☺️會同食客傾偈 又會問下啱唔啱食咁 好親切