博派麵館 (已結業)

今日同朋友係荃灣試咗間叫”博派麵館”既餐廳！一去到門口就見到一個太約一米5高既”大黃蜂”figure，入到門口發覺裝修都以電影”變形金剛”為主！餐枱上有”柯柏文”辣椒樽，牆壁畫咗一幅太空船艙既背景，但肉眼很難睇得出，要用手機影出嚟睇！睇來麵館老闆真係呢套電影既忠實fan！之後入重點我地就開始叫嘢食！我老婆鍾意食辣，所以幫佢叫咗個”酸辣小煱紅薯粉”而我就叫個”燒安格斯牛肉牛舌湯米”另外佢都有好多精美小食揀，最後我地點咗涼拌雞翼尖，手拍黃瓜，同蒜蓉燒金菇！首先嚟咗紅薯粉，辣辣地，好惹味，佢個d紅薯粉好有口感，同出邊食個d唔一樣，入面既豬大腸煮得好入味！之於我個安格斯湯米仲正，首先份量好多，男仔一定夠食，而且佢既牛肉牛舌燒得啱啱好！食落口好juice，肉質又嫰！之於另外三個小食，雞翼尖個醬汁好特別，酸酸甜甜，仲有少少辣！如果大家食得辣，可以試下佢地既辣椒油！不過溫馨提示：真係好辣！落少少就夠！千萬不要貪心！之於佢地手拍黃瓜配上芝麻醬另有一番風味，非常特別，蒜蓉金菇就非常爽口，上面放咗少少蔥，非常配合！佢地仲有個招牌菜叫脆炸珍珠奶茶，聽個名就好想試！不過今日已食得好飽，唯有下次再去食！