影片
更多
2024-09-27
869 瀏覽
睇見呢間嘢好多好評，所以book 嚟試下，點知真係好伏，完全唔明點解咁多好評。首先講環境，裝修都幾靚嘅，一入去都有啲impressed. 但坐落就發現佢有live music, 原先live music 係好，有啲氣氛，但問題係歌手唱得難聽，仲要超勁大聲，係完全傾唔到偈，成晚講嘢都要好似嗌交咁，生日歌都唱咗幾次，唱完中又唱英，大大聲擘拆喉嚨咁唱，真係煩到你想死。第二講嘢食，我哋叫咗啲snacks 同appertizer, 啲味道都算正常，唔算好食但都唔係難食嘅 .但啲pasta 就出晒事，叫咗個軟殼蟹risotto, 同另一個都係蟹，但係蟹肉pasta. 點知兩碟都係一堆pasta, 上面放咗啲類似雪藏嘅死蟹仔，size 係大約一吋多少少，似啲日本送酒小吃啲size, 但嗰咋咁嘅死蟹係完全無味嘅，仲要非常咁摻口，咀都鎅損咁滯，根本係食唔到嘅。去到dessert,,叫咗個火焰雪山同apple crumble. 個火焰雪山係睇唔到有火嘅，淨係見到佢倒咗啲液體落一pak 白色嘅cream 上面，賣相同味道都唔掂，個apple crumble 又係好破格，有別於平時我認知嘅apple crum
首先講環境，裝修都幾靚嘅，一入去都有啲impressed. 但坐落就發現佢有live music, 原先live music 係好，有啲氣氛，但問題係歌手唱得難聽，仲要超勁大聲，係完全傾唔到偈，成晚講嘢都要好似嗌交咁，生日歌都唱咗幾次，唱完中又唱英，大大聲擘拆喉嚨咁唱，真係煩到你想死。
第二講嘢食，我哋叫咗啲snacks 同appertizer, 啲味道都算正常，唔算好食但都唔係難食嘅 .但啲pasta 就出晒事，叫咗個軟殼蟹risotto, 同另一個都係蟹，但係蟹肉pasta. 點知兩碟都係一堆pasta, 上面放咗啲類似雪藏嘅死蟹仔，size 係大約一吋多少少，似啲日本送酒小吃啲size, 但嗰咋咁嘅死蟹係完全無味嘅，仲要非常咁摻口，咀都鎅損咁滯，根本係食唔到嘅。去到dessert,,叫咗個火焰雪山同apple crumble. 個火焰雪山係睇唔到有火嘅，淨係見到佢倒咗啲液體落一pak 白色嘅cream 上面，賣相同味道都唔掂，個apple crumble 又係好破格，有別於平時我認知嘅apple crumble, 類似一pak 焗到爛溶溶嘅蘋果，上面再加幾片水果，agajn 賣相同味道都好唔掂。
最後講服務，問心佢唔算差嘅，不過又見得有咩特別好，唔會主動斟水換碟呢啲 但你叫佢佢都做嘅。
張貼