影片
更多
2024-09-04
1090 瀏覽
2024年8月14日 星期三暑假期間多咗時間同屋企人聚會，亦有機會可以喺平日時間去酒樓飲茶，所以今日同屋企人係新城市廣場購物完，就去到沙田石門酒店裡面嘅星海薈試佢嘅下午茶，因為鄰近沙田新城市廣場，行過去都係十幾分鐘左右同之前去食晚餐嘅感覺一樣，因為地方主要用嚟做婚禮，裝修比較豪華高貴，舞台圍繞住成個場地，所以無論坐邊一枱都可以清楚見到舞台餐廳都有幾多點心提供，逍遙下午茶最平$18就有三粒晶瑩蝦餃，大部份嘅點心價錢都唔算太貴，仲有特色小食添，我哋每樣都點咗少少嚟試吓等咗大約十分鐘左右，食物就開始陸續送上，無諗到速度會咁快，眨眼之間已經擺到成張枱都係食物，而且每籠點心都係熱辣辣噴晒氣當中有碧玉鮮蝦腸粉，腸粉整得好薄身，完全睇得到裏面嘅大蝦，入口外皮夠滑溜，蝦肉彈牙爽脆，點埋豉油一齊食更加滋味之後有南翔小籠包，用咗好靚嘅木碟裝住，啱晒用嚟打卡，一咬落去湯汁已經不斷流出嚟，完全做到皮薄餡靚，豬肉有咬口然後有鮮蝦腐皮卷，腐皮卷炸得好香口，而且夠脆身，豆味幾香濃，點埋喼汁一齊食酸酸地，感覺會冇咁油膩呢個係桂花蜜脆蛋散，大個咗之後已經好少機會食到蛋散，一來無乜酒樓仲會提供，呢一個蛋散炸得啱啱好，咬落
暑假期間多咗時間同屋企人聚會，亦有機會可以喺平日時間去酒樓飲茶，所以今日同屋企人係新城市廣場購物完，就去到沙田石門酒店裡面嘅星海薈試佢嘅下午茶，因為鄰近沙田新城市廣場，行過去都係十幾分鐘左右
同之前去食晚餐嘅感覺一樣，因為地方主要用嚟做婚禮，裝修比較豪華高貴，舞台圍繞住成個場地，所以無論坐邊一枱都可以清楚見到舞台
餐廳都有幾多點心提供，逍遙下午茶最平$18就有三粒晶瑩蝦餃，大部份嘅點心價錢都唔算太貴，仲有特色小食添，我哋每樣都點咗少少嚟試吓
等咗大約十分鐘左右，食物就開始陸續送上，無諗到速度會咁快，眨眼之間已經擺到成張枱都係食物，而且每籠點心都係熱辣辣噴晒氣
當中有碧玉鮮蝦腸粉，腸粉整得好薄身，完全睇得到裏面嘅大蝦，入口外皮夠滑溜，蝦肉彈牙爽脆，點埋豉油一齊食更加滋味
之後有南翔小籠包，用咗好靚嘅木碟裝住，啱晒用嚟打卡，一咬落去湯汁已經不斷流出嚟，完全做到皮薄餡靚，豬肉有咬口
然後有鮮蝦腐皮卷，腐皮卷炸得好香口，而且夠脆身，豆味幾香濃，點埋喼汁一齊食酸酸地，感覺會冇咁油膩
呢個係桂花蜜脆蛋散，大個咗之後已經好少機會食到蛋散，一來無乜酒樓仲會提供，呢一個蛋散炸得啱啱好，咬落去香脆有咬口，桂花蜜唔會太過甜，蜜糖仲會有少少拉絲添
千層薑汁糕一向都係我嘅至愛，嚟到嘅時候已經見到糕點整成一層層，咬落去充滿薑味，有少少辣，正好可以解去剛才食點心嘅油膩感，食完都唔覺得好滯
至於杞子桂花糕味道就比較清新，咬落去已經食到一粒粒嘅杞子同桂花嘅香味，糕點唔會太過硬身，同樣地味道唔會太過甜
最後我哋仲每人叫咗一碗楊枝甘露，冇諗過會咁大碗，裏面落足材料，每一啖都食到芒果肉、西柚同西米，一啲都唔稀，食埋之後真係已經飽晒
埋單每人$200都唔使，但係已經飽到晚餐都唔需要食太多
張貼
