影片
更多
2023-08-05
311 瀏覽
放假第一擊，訓到自然醒然後同屋企人飲個茶媽媽喜歡到呢間星海薈飲茶，佢話好坐又好食，咁就陪下佢順便見識下。確實環境又真係幾靚，坐得舒服。唔係傳統酒樓嘅格局，係適合做婚宴嗰種，所以燈光、佈置、設施等都較為時尚。店內設施簡約而高貴，配合大型幻彩水晶燈，配合瑰麗而優雅嘅舞台，喺度擺婚宴確實唔錯。酒樓點心嘅選擇都幾多，飲茶必點嘅當然係有蝦餃、燒賣同牛肉。另外叫左小籠包、蝦腸、鮮蝦腐皮卷。而老公就想食椒鹽魷魚鬚、蜆芥鯪魚球同xo醬肉鬆四季豆。晶瑩鮮蝦餃，皮薄軟熟，晶瑩剔透。咬開肉餡見到大隻蝦肉，爽口彈牙，蝦餃入面有少少肉汁，食落去唔會乾爭爭。蟹籽燒賣皇，餡料有豬肉蝦肉冬菇，份量十足，粒粒都大大隻。肉質嫰滑不肥膩，加埋冬菇嘅香味洋溢，新鮮好食。山竹牛肉球，我嘅至愛。做得非常好食，係我小時候第一次飲茶食嘅牛肉味道，充滿回憶。牛肉球肉質彈牙，除左嫰滑，仲有爽口嘅馬蹄粒，增添爽口嘅口感。南翔小籠包，小籠包肉餡多肉汁爆滿，要夾起小籠包好講技術，如果唔係好似我咁，爆開了嘥晒d精華，食唔到入口爆湯嘅感覺。鮮蝦腐皮卷，外面嘅豆皮非常酥脆，蝦肉加入芫荽令香味提升，咬落去鮮香味濃，唔洗點任何醬汁，味道已經好好。蝦腸切
媽媽喜歡到呢間星海薈飲茶，佢話好坐又好食，咁就陪下佢順便見識下。
確實環境又真係幾靚，坐得舒服。唔係傳統酒樓嘅格局，係適合做婚宴嗰種，所以燈光、佈置、設施等都較為時尚。店內設施簡約而高貴，配合大型幻彩水晶燈，配合瑰麗而優雅嘅舞台，喺度擺婚宴確實唔錯。
酒樓點心嘅選擇都幾多，飲茶必點嘅當然係有蝦餃、燒賣同牛肉。另外叫左小籠包、蝦腸、鮮蝦腐皮卷。而老公就想食椒鹽魷魚鬚、蜆芥鯪魚球同xo醬肉鬆四季豆。
晶瑩鮮蝦餃，皮薄軟熟，晶瑩剔透。咬開肉餡見到大隻蝦肉，爽口彈牙，蝦餃入面有少少肉汁，食落去唔會乾爭爭。
晶瑩鮮蝦餃
18 瀏覽
0 讚好
0 留言
蟹籽燒賣皇，餡料有豬肉蝦肉冬菇，份量十足，粒粒都大大隻。肉質嫰滑不肥膩，加埋冬菇嘅香味洋溢，新鮮好食。
蟹籽燒賣皇
22 瀏覽
0 讚好
0 留言
山竹牛肉球，我嘅至愛。做得非常好食，係我小時候第一次飲茶食嘅牛肉味道，充滿回憶。牛肉球肉質彈牙，除左嫰滑，仲有爽口嘅馬蹄粒，增添爽口嘅口感。
山竹牛肉球
22 瀏覽
0 讚好
0 留言
南翔小籠包，小籠包肉餡多肉汁爆滿，要夾起小籠包好講技術，如果唔係好似我咁，爆開了嘥晒d精華，食唔到入口爆湯嘅感覺。
南翔小籠包
21 瀏覽
0 讚好
0 留言
鮮蝦腐皮卷，外面嘅豆皮非常酥脆，蝦肉加入芫荽令香味提升，咬落去鮮香味濃，唔洗點任何醬汁，味道已經好好。
鮮蝦腐皮卷
9 瀏覽
0 讚好
0 留言
蝦腸切開細細件，方便食。口感柔軟，內餡有蝦肉外亦加入脆肉瓜，賣相靚之餘亦可減少膩感。
蝦腸
14 瀏覽
0 讚好
0 留言
椒鹽魷魚鬚，粉漿夠薄，炸到乾身唔油膩，外表脆脆而內裏嘅魷魚鬆軟唔韌，鹹香可口。
椒鹽魷魚鬚
28 瀏覽
0 讚好
0 留言
蜆芥鯪魚球，新鮮鯪魚肉內有果皮香味，柔韌q彈。每粒都炸至漲卜卜，圓碌碌；而蜆芥汁鹹香味濃。
蜆芥鯪魚球
15 瀏覽
0 讚好
0 留言
xo醬肉鬆四季豆，呢個又係好好食，因為個四季豆超級新鮮，食落嘅口感係似食鮮嫰嘅粟米，鮮甜無比，絕對冇比xo醬搶左風頭。
xo醬肉鬆四季豆
4 瀏覽
0 讚好
0 留言
感覺呢度嘅食物質素唔錯，比起平時食開嘅點心好食多，果然一分錢一分貨。
張貼
