影片
更多
2022-08-21
732 瀏覽
星期六去咗觀塘探索工廈美食🔍，今次唔係去駱駝漆，而係去比較近地鐵站嘅官塘工業中心。我哋幫襯咗「伊甸」，聽聞最近新裝修完。餐廳環境好舒服，係台灣文青Cafe嘅感覺🇹🇼。佢同茶飲店「賞茶」有聯乘，所以嚟呢度唔一定要食嘢，齋嚟飲杯茶、歇下腳都得。餐廳全日採用同一個餐牌🥢，主打台灣菜式，款式涵蓋吐司、意粉、蛋餅、肉燥飯同特色甜品等。套餐定價由$67至$128不等，價錢屬中等水平。台灣金牌高根牛肉麵($82)，🍜牛肉麵味道唔錯，紅燒湯底微微辣，夠晒熱又唔油膩，好飲！麵條彎彎曲曲，質感彈牙。餸料則好豐富，🥩牛肉同🥕紅蘿蔔都好大件，炆得又淋又入味。涼伴小食係菜脯蘿蔔粒，口感脆卜卜，惹味得嚟唔太酸，我超鍾意🤤。台式香菇肉燥乾拌新竹米粉($77)，🍄香菇肉燥醬好大堆，夠晒撈麵，味道唔算鹹，但如果冬菇粒同肉粒多啲就好。新竹米粉幼身，好鬼大碗，但略嫌麵質煮得稔咗啲。米粉揀咗配鹽酥雞排🍗，雞扒超大塊，外層炸得酥脆，好有台灣夜市鹽酥雞嘅風味；而雞肉肉質亦都算嫩。黑糖奶蓋波霸巴斯克芝士蛋糕(跟餐價$40)，呢個甜品超正，蛋糕直徑約有3.5吋，賣依個價錢其實好抵食。巴斯克芝士蛋糕本身出色，芝士香味四溢帶焦香，軟芝士
星期六去咗觀塘探索工廈美食🔍，今次唔係去駱駝漆，而係去比較近地鐵站嘅官塘工業中心。我哋幫襯咗「伊甸」，聽聞最近新裝修完。
餐廳環境好舒服，係台灣文青Cafe嘅感覺🇹🇼。佢同茶飲店「賞茶」有聯乘，所以嚟呢度唔一定要食嘢，齋嚟飲杯茶、歇下腳都得。
餐廳全日採用同一個餐牌🥢，主打台灣菜式，款式涵蓋吐司、意粉、蛋餅、肉燥飯同特色甜品等。套餐定價由$67至$128不等，價錢屬中等水平。
台灣金牌高根牛肉麵
$82
23 瀏覽
0 讚好
0 留言
涼伴小食
14 瀏覽
0 讚好
0 留言
台式香菇肉燥乾拌新竹米粉($77)，🍄香菇肉燥醬好大堆，夠晒撈麵，味道唔算鹹，但如果冬菇粒同肉粒多啲就好。新竹米粉幼身，好鬼大碗，但略嫌麵質煮得稔咗啲。
米粉揀咗配鹽酥雞排🍗，雞扒超大塊，外層炸得酥脆，好有台灣夜市鹽酥雞嘅風味；而雞肉肉質亦都算嫩。
黑糖奶蓋波霸巴斯克芝士蛋糕
$50
10 瀏覽
0 讚好
0 留言
芝士蛋糕再配埋黑糖奶蓋同珍珠，組合特別之餘，更令味道更上一層樓😋。雖然兩樣都好甜、好邪惡，不過同蛋糕非常搭調，而且溝埋雲石紋理好靚，我認為呢個甜品絕對值得一試！
桂花烏龍波霸奶茶
$34
4 瀏覽
0 讚好
0 留言
餐廳畀人嘅整體感覺好舒服，店員親切有禮👍，而且店舖牆上嘅引言散發正能量。
埋單時店員仲為我哋送上由小店製作嘅手工皂，好窩心❤️。
總括嚟講，我哋喺伊甸Cafe過咗休閒嘅週末😊，呢度係一個可以放鬆傾偈嘅好地方。坐矮枱係好Chill，但食嘢就無咁方便，哈哈。如果大家去開觀塘，不妨嚟支持下小店💪。
張貼
