九鬼居酒屋 (耀華街)

營業中

休息中

Item: 九鬼居酒屋 (耀華街)
Rating: 5
Author: Shinchan1993

Kuki Izakaya

4.5

340 食評

味道

環境

服務

衛生

抵食

7677

銅鑼灣

$201-400

日本菜居酒屋

327

Shinchan1993

等級4

1.2K

之前睇中咗耀華街幾間餐廳都想逐一試試，其中有一間叫做「九鬼居酒屋」。基本上經過門外都會被佢嘅霓虹燈所吸引👺🚦。餐廳面積唔大，但環境都算幾四正，而且日本風牆畫亦係一大賣點，佢絕對係一間型格居酒屋🏮。店員們幾好禮貌，熱情招呼，如果嗌酒，佢更加會詳作介紹。呢度以輕食作為主打，例如各式小食以及串燒等。大部份食物(刺身除外)定價都唔過$100，算幾抵食👍。不過留意返，佢哋主要作佐酒用途，所以份量偏少。炸白蝦仔($78)，佢係精選菜式，不設於常規餐牌上。🦐炸白蝦仔份量激多，雖然個碟唔大，但我諗入面有超過100隻‼️。蝦身呈白色，連殼原隻炸酥脆無比，簡單用鹽同檸檬汁調味已經好正。即使蝦仔細細，但都好重蝦香。味噌燒羊架($168)，燒羊架已經算係餐牌中比較貴嘅菜式，一客有兩件。🐐羊架味道幾獨特，一般羊架都會用香草調味，但佢以味噌取替，所以散發出另一種鹹香，同時並能蓋過咗羊嘅羶味。另外，羊肉肉質唔韌，整體值得一試。九鬼關東煮一人前($88)，湯底有兩款選擇，分別係鰹魚湯同鯛魚湯(+$10)，我哋要咗前者，湯頭幾清甜，又夠熱。🍢關東煮一人前即係雜綿，每款食材各一件，包括竹輪、大根、墨魚卷、厚揚豆腐、福袋年糕

10 瀏覽

0 讚好

0 留言

之前睇中咗耀華街幾間餐廳都想逐一試試，其中有一間叫做「九鬼居酒屋」。基本上經過門外都會被佢嘅霓虹燈所吸引👺🚦。

5 瀏覽

0 讚好

0 留言

餐廳面積唔大，但環境都算幾四正，而且日本風牆畫亦係一大賣點，佢絕對係一間型格居酒屋🏮。店員們幾好禮貌，熱情招呼，如果嗌酒，佢更加會詳作介紹。

4 瀏覽

0 讚好

0 留言

呢度以輕食作為主打，例如各式小食以及串燒等。大部份食物(刺身除外)定價都唔過$100，算幾抵食👍。不過留意返，佢哋主要作佐酒用途，所以份量偏少。

炸白蝦仔($78)，佢係精選菜式，不設於常規餐牌上。🦐炸白蝦仔份量激多，雖然個碟唔大，但我諗入面有超過100隻‼️。蝦身呈白色，連殼原隻炸酥脆無比，簡單用鹽同檸檬汁調味已經好正。即使蝦仔細細，但都好重蝦香。

味噌燒羊架($168)，燒羊架已經算係餐牌中比較貴嘅菜式，一客有兩件。🐐羊架味道幾獨特，一般羊架都會用香草調味，但佢以味噌取替，所以散發出另一種鹹香，同時並能蓋過咗羊嘅羶味。另外，羊肉肉質唔韌，整體值得一試。

九鬼關東煮一人前($88)，湯底有兩款選擇，分別係鰹魚湯同鯛魚湯(+$10)，我哋要咗前者，湯頭幾清甜，又夠熱。🍢關東煮一人前即係雜綿，每款食材各一件，包括竹輪、大根、墨魚卷、厚揚豆腐、福袋年糕同埋白魚板。雖然唔少款式都係魚蛋類別，口感彈牙，不過味道上都有分別。個人鍾意白魚板同蘿蔔，皆因兩者比較索汁。

蟹肉蟹味噌丼($78)，🍚飯比較細碗，亦係最普通嘅白飯，並非壽司飯。佢睇落無乜餸，平平無奇，不過中間嘅蟹肉味噌醬足以撈匀成碗飯，令到每啖食落都好夠味，仲輕輕食得出蟹肉味🦀。

最後，我哋仲嗌咗「串揚」，款式有慢煮五花肉($48)、牛舌心($48)同埋安格斯牛肩肉($68)。我其實係第一次食，見到實物先知佢唔完全等如一般食開嘅串燒。佢係經蘸上粉漿後，再拎去油炸嘅串燒，對我來講係幾新穎嘅食物😜。串揚會配上他他酸辣醬同醬油，始終炸物沾醬食會無咁乾。另外，餐廳更附上一碗仔麻醬椰菜沙律，原來有呢個食法。