影片
更多
2021-06-07
326 瀏覽
.📍Rempah Noodles📍 #饅頭去灣仔終於試到呢間好受歡迎星馬小店😆，店鋪裝潢幾舒適，但位置唔多，小編平日下晝飯後時間排隊，都要等差唔多成30分鐘。------------------------------Nonya Laksa Lemak ($98)一上枱就聞到勁濃嘅叻沙椰香，湯底濃郁😍，椰漿同香料嘅比例平衡恰當，香甜中帶辣，因為冇加味精所以唔會死鹹👍🏻，小編食到最後都唔覺得口渴。配餸亦非常豐富，蛋黃粉溶，魚條鮮味十足🐟，豆卜索曬湯底嘅精華，蝦肉亦唔會片到好薄，爽口彈牙又掛湯🦐，唯一缺點就係雞絲有小小臭味，不過肉質係正常嘅。米線幼長掛湯，軟滑爽彈嘅質地，令我回憶起N年前譚仔仲未跌Watt嘅時候🙈，啖啖都有香料味散發喺口中，整體味道同小編印象中嘅娘惹菜極為相似。------------------------------Kaya Toast ($38)呢款咖央多士不得了，多士外層烘到金黃酥脆🤤，咬落去「咔嚓」聲出曬嚟。咖央醬塞到好飽滿，口感好似Mousse咁厚滑，又夠凍，充斥住香濃嘅椰汁同班蘭味😋，唔會太甜大漏，係小編心目中最滿意嘅咖央醬💯。整體外脆內軟，真係做到冰火交融嘅
📍Rempah Noodles📍 #饅頭去灣仔
終於試到呢間好受歡迎星馬小店😆，店鋪裝潢幾舒適，但位置唔多，小編平日下晝飯後時間排隊，都要等差唔多成30分鐘。
------------------------------
Nonya Laksa Lemak ($98)
一上枱就聞到勁濃嘅叻沙椰香，湯底濃郁😍，椰漿同香料嘅比例平衡恰當，香甜中帶辣，因為冇加味精所以唔會死鹹👍🏻，小編食到最後都唔覺得口渴。
配餸亦非常豐富，蛋黃粉溶，魚條鮮味十足🐟，豆卜索曬湯底嘅精華，蝦肉亦唔會
片到好薄，爽口彈牙又掛湯🦐，唯一缺點就係雞絲有小小臭味，不過肉質係正常嘅。
米線幼長掛湯，軟滑爽彈嘅質地，令我回憶起N年前譚仔仲未跌Watt嘅時候🙈，啖啖都有香料味散發喺口中，整體味道同小編印象中嘅娘惹菜極為相似。
------------------------------
Kaya Toast ($38)
呢款咖央多士不得了，多士外層烘到金黃酥脆🤤，咬落去「咔嚓」聲出曬嚟。咖央醬塞到好飽滿，口感好似Mousse咁厚滑，又夠凍，充斥住香濃嘅椰汁同班蘭味😋，唔會太甜大漏，係小編心目中最滿意嘅咖央醬💯。整體外脆內軟，真係做到冰火交融嘅感覺。
------------------------------
整體評分：8.7/10
小編回頭率：7.5/10
小編喺小學5年級嘅時候去過一次新加坡遊樂團，自此同娘惹菜結下一段緣分，呢幾年試過2-3間質素唔差星馬餐廳，但都搵唔返當初嘅驚喜。難得呢一間嘅食物質素唔錯，店員嘅服務態度亦好好，雖然要排隊，但依然推薦大家去試一試。
Nonya Laksa Lemak
$98
15 瀏覽
0 讚好
0 留言
Kaya Toast
$38
12 瀏覽
0 讚好
0 留言
張貼
