更多
2023-05-16
65 瀏覽
已經嚟過《喜記》食過好多次,但真係食極都唔厭,咁好味嘅食一次點會夠啊!今日同舊同事嚟食!💮招牌避風塘炒辣蟹3隻💮椒鹽特大瀨尿蝦5隻💮豉椒炒蜆💮潮州蠔仔肉碎粥💮椒絲腐乳通心菜真係特意嘅過來吃,招牌避風塘炒辣蟹3隻,呢三隻係特大蟹嚟嘅,俾普通食開的大左半隻,啖啖肉😄,見到隻蟹鉗已經流晒口水🤤呢個椒鹽特大瀨尿蝦5隻,已經超越咗啖啖肉嘅境界,直頭係滿口蝦肉,識食嘅當然係要食椒鹽㗎喇!唔多講啦,鮮甜又多肉!豉椒炒蜆,夠晒鑊氣,蜆肉冇沙,又甜又大隻!話明係潮州嘢,點會少得潮州蠔仔肉碎粥,喜記嘅蠔仔肉碎粥絕對係真材實料,足料又足味!簡單滋味嘅椒絲腐乳通心菜,個菜充滿水份,非常爽脆。
張貼