影片
更多
2023-02-19
12068 瀏覽
📍香港📍尖沙咀📍港畔餐廳📍尖沙咀梳士巴利道18號香港麗晶酒店地下📍星期一至日 12:00~22:00🌹 Friday Dinner Buffet 下午5:30-8:00 $928@1 + 10%🦄 12月尾打電話book位要等到二月頭先有位。咁full booking搞到我勁期待！入座當日其實有5-6張空枱無人坐🤔 二人訂座坐到望海窗邊四人枱，又靚又舒服。好多侍應生系附近，收碟快，態度好。🦄 重頭戲當然系呢到既拖羅刺身。一夠鐘就排隊攞黎試，發現每次攞既質素都唔同，中段時間攞既系最靚最肥美最好食！攞之前可以望下個轉既質素先😂 蝦同帶子都大大粒鮮甜👍🏻 反而啲壽司一般般！千祈唔好攞刺身區嗰個凍烏冬，好難食☠️🦄 凍海鮮區個麵包蟹好有驚喜🦀啲膏多到食極都有！軟膏硬膏一樣超有滿足感，一隻两個人share都感到膽固醇嚴重超標🤣 竟然三點蟹都有唔少膏，平時都系見得白肉多，同樣鮮甜入口啖啖蟹肉👍🏻 特別唔推介海鮮區嗰個磯煮鮑魚同香草三文魚，唔岩我口味。🦄 開邊蒸龍蝦師傅好細心幫你起左蟹鉗啲肉，好肥美入口好有滿足感😚 花雕浸鴨肝好特別肉質好嫩，酒味淡但唔鐘意飲酒既人應該麻麻地。我個人比較鐘意煎到外脆內軟
📍港畔餐廳
📍尖沙咀梳士巴利道18號香港麗晶酒店地下
📍星期一至日 12:00~22:00
🌹 Friday Dinner Buffet 下午5:30-8:00 $928@1 + 10%
🦄 12月尾打電話book位要等到二月頭先有位。咁full booking搞到我勁期待！入座當日其實有5-6張空枱無人坐🤔 二人訂座坐到望海窗邊四人枱，又靚又舒服。好多侍應生系附近，收碟快，態度好。
🦄 重頭戲當然系呢到既拖羅刺身。一夠鐘就排隊攞黎試，發現每次攞既質素都唔同，中段時間攞既系最靚最肥美最好食！攞之前可以望下個轉既質素先😂 蝦同帶子都大大粒鮮甜👍🏻 反而啲壽司一般般！千祈唔好攞刺身區嗰個凍烏冬，好難食☠️
🦄 凍海鮮區個麵包蟹好有驚喜🦀啲膏多到食極都有！軟膏硬膏一樣超有滿足感，一隻两個人share都感到膽固醇嚴重超標🤣 竟然三點蟹都有唔少膏，平時都系見得白肉多，同樣鮮甜入口啖啖蟹肉👍🏻 特別唔推介海鮮區嗰個磯煮鮑魚同香草三文魚，唔岩我口味。
🦄 開邊蒸龍蝦師傅好細心幫你起左蟹鉗啲肉，好肥美入口好有滿足感😚 花雕浸鴨肝好特別肉質好嫩，酒味淡但唔鐘意飲酒既人應該麻麻地。我個人比較鐘意煎到外脆內軟多啲😜 蒸星斑要留意佢岀爐即刻攞😁 花膠好入味不過偏薄唔夠彈牙。海參鴨掌好好食。中西湯都唔錯可以一試。
🦄 燒羊架食落系印度咖喱香料嗰種味道幾特別，偏重口味肉質嫩燒既時間岩岩好！燒牛肉系咁多自助餐黎講系數一數二重牛味好食，近骨位入味啲正啲嘻嘻！
🦄 甜品相對其他酒店少，但啲款式已經足夠到食唔晒！最好食係佢按人頭送既燕窩燉蛋白🤍 少少失望係竟然冇芝士蛋糕🥶 同埋每件蛋糕嘅size都好大件！ 一件已經好濟🥹 所以根本試唔哂！ 自家製嘅雲呢拿雪糕幾好食👍🏻 可以自己加啲餅碎整Oreo味🫣 焦糖燉蛋甜到啱啱好燒到面頭脆卜卜👍🏻 朱古力蛋糕好rich超級濃郁，就算好鍾意食朱古力嘅我都K.O.唔到一件！而香蕉太妃撻偏甜，啲cream同mouse好滯😂 生果好甜但係款式唔多！
#foodieschu尖沙咀 #foodieschu自助餐
～～～～～～～～～～～～～
#hkfood #hkfoodie #hkfoodies #foodie #foodies #hongkong #hongkongfood #dinner #dinnerbuffet #buffet #seafood #dessert #麗晶酒店 #麗晶酒店自助餐 #自助餐 #自助晚餐 #尖沙咀美食 #港畔餐廳 #harbourside #梳士巴利道 #拖羅 #馬卡龍 #燕窩燉蛋白 #麵包蟹 #自家製雪糕 #icecream
張貼
