越男仔

營業中

休息中

今日嚟開旺角廣華街呢頭睇錶，差唔多食飯時間見到呢間餐廳感覺好正宗，望到老闆拎到好多獎，決心試吓。冰鎮蜜糖番茄呢個係餐廳在台南嘅得獎菜式，加入蜜糖同柚子蜜調味，冷藏後食落有冰爽清脆質感，適合作為開胃菜或涼拌菜小食。皇牌拼盤包括凰爪沙律、牛油雞翼和越式春卷的拼盤。凰爪係用黑糖醃製過嘅，食落甜甜酸酸，配上沙律菜幾清新。牛油雞翼經過油炸，外層酥脆，內部多汁。越式春卷由米紙包裹蔬菜和肉類製成，同一般餐廳食嘅春卷好唔同口感，食落香脆有特色。窩蛋火車頭椰汁酸湯河 轉椰汁酸湯+$5呢碗濃郁椰汁加上酸湯味道嘅湯河粉。主調為椰汁和酸湯調味，火車頭配料有炸牛丸、香茅牛肉、生牛肉、牛栢葉、牛筋，配料分量十足，滑蛋令到整碗粉更滑嫩，食完真係大滿足啊！四寶椰汁酸湯湯檬 轉椰汁酸湯+$5湯底由椰汁和酸湯熬煮，加入青檸同越式調味，食落好開胃。四寶包括香茅豬扒、扎肉、鹼豬肉、豬肉丸，全部以豬為主打，啱哂想食越南菜又唔食生牛肉嘅人。