影片
更多
2022-05-26
1771 瀏覽
本身book咗商場附近嘅台灣火鍋，但望一望食評好似負評有啲多，於是臨時轉軚，望到呢間牛氣日本火煱。上嚟望一望見到唔係太多人評論呢間，但係餐牌上啲牛肉望落幾新鮮，而且價錢唔算好貴，又可以任食1小時30分鐘，咁就一於去試吓啦。好彩咁啱選擇，啲牛確實同餐牌一樣咁新鮮，食落嘅質感好嫩滑，好爽口，真喺有牛味。入嚟之前會先喺前門選擇餐牌，而我哋就嗌左牛小排海鮮放題，（晚市$318成人一位，小朋友同埋長者就258一位）叫咗鴛鴦鍋嘅蕃茄濃湯同埋麻辣湯。啲麻辣湯夠濃，蕃茄湯就一開始冇咁濃，但因為個餐廳出邊可以俾你夾餸，而去咁啱就有蕃茄，所以就夾咗幾舊擺落去煲，之後可能因為又有唔同餸擺入去所以最後個湯變得濃郁咗。啲海鮮都幾新鮮，食嗰幾隻蝦都好大隻而且個蝦頭冇黑色，幾唔錯，但係啲帶子就麻麻哋啦。總體嚟講都幾好。出面有得夾娃娃菜，生菜，餃子，芝麻丸，花生丸，有日本直送嘅手打烏冬同埋拉麵，滑豆腐，白蘿蔔，芽菜，菇，芝士腸，貢丸等等。而且都有熟食，有咖喱魚蛋，蒸燒賣，炭色流沙包，碗仔翅。另外可以叫職員攞幾款壽司，有蟹柳，玉子，熟蝦，鮑片，鰻魚，八爪魚同加州卷。甜品方面有芝麻同埋花生糯米糍，水晶紅豆餡，泡芙，豆腐花
好彩咁啱選擇，啲牛確實同餐牌一樣咁新鮮，食落嘅質感好嫩滑，好爽口，真喺有牛味。入嚟之前會先喺前門選擇餐牌，而我哋就嗌左牛小排海鮮放題，（晚市$318成人一位，小朋友同埋長者就258一位）叫咗鴛鴦鍋嘅蕃茄濃湯同埋麻辣湯。啲麻辣湯夠濃，蕃茄湯就一開始冇咁濃，但因為個餐廳出邊可以俾你夾餸，而去咁啱就有蕃茄，所以就夾咗幾舊擺落去煲，之後可能因為又有唔同餸擺入去所以最後個湯變得濃郁咗。啲海鮮都幾新鮮，食嗰幾隻蝦都好大隻而且個蝦頭冇黑色，幾唔錯，但係啲帶子就麻麻哋啦。總體嚟講都幾好。
出面有得夾娃娃菜，生菜，餃子，芝麻丸，花生丸，有日本直送嘅手打烏冬同埋拉麵，滑豆腐，白蘿蔔，芽菜，菇，芝士腸，貢丸等等。而且都有熟食，有咖喱魚蛋，蒸燒賣，炭色流沙包，碗仔翅。另外可以叫職員攞幾款壽司，有蟹柳，玉子，熟蝦，鮑片，鰻魚，八爪魚同加州卷。甜品方面有芝麻同埋花生糯米糍，水晶紅豆餡，泡芙，豆腐花。
特別稱讚佢哋嘅手打烏冬，佢哋真係用麵粉嚟整，而且口感煙靭，所以最好最後先食，因為個湯會變得好渴撻撻。豆腐花都好好食，豆味濃郁，比得上專賣豆腐花嘅甜品店。但係其他甜品就一般，咖喱魚蛋就麻麻哋，但係個流沙包都幾好食，壽司淨係嗌咗一件玉子，個蛋都甜嘅，都唔錯。
餐廳環境方面，內部光猛，冇昏暗暗嘅感覺，而且好闊落，空氣都好流通，冇令人覺得唔舒服。
服務員態度良好，友善。帶我哋入嚟嘅女職員笑容滿面，當我哋同職員講要加料，佢哋都好快手過嚟回應我哋同埋好快手攞過嚟。有時佢哋會自己過嚟問我哋有冇咩需要，同埋收取我哋唔要嘅碟，最後買單嘅時候個男職員同我哋傾吓計，所以我哋食呢一餐都食得幾開心👍🏻
因為本身自己都係鍾意食啲好嘢，對食物嘅品質有高要求，所以呢間真喺唔錯，值得大家去試一試。本來都見到冇乜人對呢間火鍋作出食評，以為應該麻麻哋，但係佢超乎我想像，D嘢真係幾正，所以特登寫呢個食評話俾大家聽其實呢間火鍋店雖然冇乜人寫食評，但真係唔係想像中咁差，反而係幾好。下次我哋會再去幫襯！
張貼