Hawa Poke (已結業)

屯門有新開Food court，當然要去試吓啦！由於新開無耐，去到環境都衛生！ 會有姐姐幫手執拾食完的餐具及抹枱。睇過6，7間，最後選揀了這間，被佢既刺身相而吸引過來。選揀都多，有SET好的配搭或可自選配搭菜式。點菜時剛好沒有人在等，就即刻上前點餐。沒有特別心水，就點了“加州風味”來試試。可以加錢加味噌湯或小食，但我沒有加。而飯底亦可選揀轉做半飯半沙律菜，或全部轉做沙律菜。感覺可以食得更健康！我最後就選了半飯半沙律菜，兩樣都試試！等待時間不太耐，大約5分鐘左右就有得取。筷子1，匙羹及牙籤都可以在櫃檯前旁邊的小櫃桶自取。滿滿一碗堆了好樣配菜，有三文魚，三文魚籽，蛋絲，木魚絲，紫菜絲，青瓜，車厘茄，黑白芝麻，碗邊塞滿沙律菜，飯面還落了日式胡麻醬。面頭的三文魚籽用醬油調味，好夾好好食。而三文魚粒粒都厚切，好有口感。青瓜，車厘茄及沙律菜亦十分新鮮，清爽有咬口！木魚絲香！整碗食得很滿足亦飽肚！若果轉全部做沙律菜，可考慮加小食品嘗！選揀還有很多還未試，值得再光顧！👍