影片
更多
2010-12-02
105 瀏覽
好多人都寫興記貴同服務態度差, 我想幫佢地講番句公道說話好耐. 不過太懶.其實幾十年前我老豆喺船上食0既年代避風塘巳經唔算係平嘢. 不過唔知點解好多人自動ASSUME佢應該好平, 埋單就打個突. 如果你當佢喺一間海鮮酒家, 你就唔會覺得佢咁貴. 話佢成日加價, 我唔同意. 十幾年嚟瀨尿蝦都係十幾廿蚊兩, 而家先22蚊兩, 咁都算加價加得多??? 我重成日諗佢咁耐都keep住啲價錢差唔多, 點做得住. 幾十蚊0既dish 有貴道,不過唔係影響個total好多.至於service, 佢地係有少少attitude. 不過如果你自己唔係態度有問題, 佢唔會主動對你唔好. 當然如果就算個客衰都貼地佢都好好service, 咁就perfect. 但係興記0既煮功同consistency真係唔係咁多restaurant做到. 有少少attitude又如何. 其實仲有少少高興有人教訓果啲以為洗幾百蚊就大晒0既人添.講番食嘢, 去一百次都冇一次失準. 真係非常難得. 一行八人叫咗:韮菜花 2 碟 - 勁鍾意食韮菜花, 不過只會喺興記食, 其他地方好多時都有啲渣. 淨係呢樣咁簡單0
其實幾十年前我老豆喺船上食0既年代避風塘巳經唔算係平嘢. 不過唔知點解好多人自動ASSUME佢應該好平, 埋單就打個突. 如果你當佢喺一間海鮮酒家, 你就唔會覺得佢咁貴. 話佢成日加價, 我唔同意. 十幾年嚟瀨尿蝦都係十幾廿蚊兩, 而家先22蚊兩, 咁都算加價加得多??? 我重成日諗佢咁耐都keep住啲價錢差唔多, 點做得住. 幾十蚊0既dish 有貴道,不過唔係影響個total好多.
至於service, 佢地係有少少attitude. 不過如果你自己唔係態度有問題, 佢唔會主動對你唔好. 當然如果就算個客衰都貼地佢都好好service, 咁就perfect. 但係興記0既煮功同consistency真係唔係咁多restaurant做到. 有少少attitude又如何. 其實仲有少少高興有人教訓果啲以為洗幾百蚊就大晒0既人添.
講番食嘢, 去一百次都冇一次失準. 真係非常難得. 一行八人叫咗:
韮菜花 2 碟 - 勁鍾意食韮菜花, 不過只會喺興記食, 其他地方好多時都有啲渣. 淨係呢樣咁簡單0既嘢, 就見興記0既堅持. 我有啲鬼佬朋友唔敢食(因為似蔥), 試過都大讚好食.
白灼芥蘭 - 菜靚, 不過太多油, 唔記得叫走油...
白灼魷魚 - 佢地話好食, 我唔食魷魚, 冇得comment.
白灼海蜇 - 海蜇頭. 點古法辣醬, 一絕
白灼東風螺 - 新鮮爽口乾淨, 從來都唔會有啲沙沙石石. 喺甜辣醬中間一拉, 正!
陳皮蒸泥猛 - 用0既係深水泥猛, 唔怕佢食X. 果皮好香.火候很好, 唔錯
蒜泥粉絲蒸蟶子 8隻(48蚊隻,又係冇加價) - 喺第道好易overcook0既一味餸, 興記就次次都蒸得啱啱好. 蒜泥粉絲又俾勁多. 唔會好似多數海鮮restaurant cheap cheap咁 俾少少, 搞道唔夠味. 一大推介.
椒鹽瀨尿蝦 - 6隻 (22蚊兩, 加啲啲) 瀨尿蝦絕對係興記0既強項. 係鯉魚門或西頁食瀨尿蝦好多時都會用得太多油, 食0既時候會有少少成口油0既感覺, 唔係就太乾. 十次有兩次得都算好彩. 新鮮都冇用, 煮功簡直浪費咗啲瀨尿蝦. 興記就唔同, 食一百次都唔會失準. 貴過鯉魚門都係值0既. 油用得啱啱好, 煮完啱啱收晒啲油. 食完睇吓個碟就知. 火侯又just right. 永遠都係又入味而啲肉又保持到鮮嫩有肉汁. 味更加係遠遠超過其他海觧restaurant 0既水準. 必食. much better than lobster.
豉油王中蝦 1斤 - 蝦開底邊, 好易食. 入味. 必叫.
例湯 - 鮮甜, 不過巳經唔記得係咩湯.
燒鴨脾湯河 - 4碗. 無論幾飽都一定要食. 啲朋友個叫飽, 唯有share一人半碗. 個湯底好夠味, 粉又超幼滑. 正. 其他地方0既湯河真係要行埋一邊.
蟹 - 個人覺得蟹係一定要蒸先好食所以從來都唔食喺興記叫蟹.
埋單27XX. 一人三百幾. 咁0既水準絶對值回票價.
張貼