影片
更多
2019-12-02
246 瀏覽
今日放假想外出走走，揀左少人的荃灣如心廣場的一間咖啡店，之前係尖沙咀都食過呢間小店，菜式美觀又好味，服務貼心有禮，加上咖啡同朱古力飲品都好出色，價錢亦合理，應該話直頭性價比高。荃灣新店唔算好大，但極透光的落地大玻璃非常正，令人感覺悠閒、清爽、乾淨……好岩假日來食個brunch，或者輕鬆嘆啡食tea，好寫意咁度過大半日。午餐有意粉、三文治、沙律等等，而散點美食就有更多選擇，更有前菜、小食、甜品、各款特飲或咖啡。我地點左2個lunch sets 同1個沙律，非常滿足及健怡的美食。煙三文魚沙律配檸檬醋汁 $78煙三文魚份量很足，肥美肉嫩又大片，沙律菜用多款蔬菜種類，也很乾淨同份量多，口感爽脆又新鮮，配微酸的檸檬醋汁，感覺好健怡。哥倫比亞咖啡豆沖泡的單品咖啡午餐會有杯單品咖啡，今日用哥倫比亞的咖啡豆，味道簡單可飲到咖啡豆原味，仲有卡紙介紹來自不同地方的咖啡豆，呢款會有橙、蔗糖、焦糖、橙花，我就唔係好識品嚐咖啡，但我覺得幾好飲，唔會好甘苦，不用糖奶反而更飲到咖啡豆的味，會帶點酸味。烤雞菠蘿漢堡配檸檬乳酪醬 $88烤雞醃得入味，雞肉厚身但都烤得很好，仲保持肉嫩多汁，仲有彈性，而且個雞皮脆卜卜，的確
今日放假想外出走走，揀左少人的荃灣如心廣場的一間咖啡店，之前係尖沙咀都食過呢間小店，菜式美觀又好味，服務貼心有禮，加上咖啡同朱古力飲品都好出色，價錢亦合理，應該話直頭性價比高。荃灣新店唔算好大，但極透光的落地大玻璃非常正，令人感覺悠閒、清爽、乾淨……好岩假日來食個brunch，或者輕鬆嘆啡食tea，好寫意咁度過大半日。
午餐有意粉、三文治、沙律等等，而散點美食就有更多選擇，更有前菜、小食、甜品、各款特飲或咖啡。我地點左2個lunch sets 同1個沙律，非常滿足及健怡的美食。
煙三文魚沙律配檸檬醋汁
$78
8 瀏覽
0 讚好
0 留言
煙三文魚份量很足，肥美肉嫩又大片，沙律菜用多款蔬菜種類，也很乾淨同份量多，口感爽脆又新鮮，配微酸的檸檬醋汁，感覺好健怡。
Single Origin Brew Coffee (Erazo, Colombia)
5 瀏覽
0 讚好
0 留言
午餐會有杯單品咖啡，今日用哥倫比亞的咖啡豆，味道簡單可飲到咖啡豆原味，仲有卡紙介紹來自不同地方的咖啡豆，呢款會有橙、蔗糖、焦糖、橙花，我就唔係好識品嚐咖啡，但我覺得幾好飲，唔會好甘苦，不用糖奶反而更飲到咖啡豆的味，會帶點酸味。
烤雞菠蘿漢堡配檸檬乳酪醬
$88
16 瀏覽
0 讚好
0 留言
烤雞醃得入味，雞肉厚身但都烤得很好，仲保持肉嫩多汁，仲有彈性，而且個雞皮脆卜卜，的確好吸引。醬汁用乳酪友檸檬，creamy得來帶酸酸地好開胃唔膩，仲有微微黑椒的辣味，而且用乳酪更為輕盈健康，夾著菠蘿更fresh更清爽。另外配菜的薯粒也很好食，外脆內綿且加了香料好惹味。
美國牛肉洋蔥青椒三文治
$79
6 瀏覽
0 讚好
0 留言
牛肉薄片好點似肥牛，非常油潤有彈性的牛肉，跟洋蔥青椒炒香，味道樸實簡單，沒有多餘的醬汁，三文治也烤得夠香，烤紋美觀令食慾增加，配沙律菜好健康又解膩。
張貼
