影片
更多
2020-12-04
82 瀏覽
今日下晝要去尖沙咀上堂，上堂前就喺附近餐廳食個lunch先，地舖太多人既關係，就發現咗呢間樓上素餐館，午餐套餐都幾抵食，最平連埋加一，$75有找，有前菜、湯、主食、自選飲品，如果唔岩飲，仲可以加$10升級飲品，我就揀咗鮮奶咖啡😝；唔夠飽仲可以加配甜品，都係由$15-$30不等🤩🌟冬菇蓮藕眉豆湯🌟完全係零味精系列，加咗粟米同紅蘿蔔一齊煲味道好清甜，連湯渣都食埋😝🌟洛神花燴啤梨藜麥沙律🌟個醬係洛神花醬，酸酸甜甜，餐前食好開胃，燴啤梨好爽口，第一次食燴啤梨配藜麥沙律，原來都幾好味，啤梨同洛神花醬都相當地夾👍🏻🌟野菜大啡菇炒金邊粉配香脆腐皮卷 $88🌟樣樣主菜都想食，有選擇困難症，最後比佢個香脆腐皮卷吸引到眼球，嚟到都無令我失望，成個都係腐皮炸，炸至香脆可口而不膩，仲好貼心用枝小木棒卷住去炸，可以用手拎住食；而炒金邊粉裡面除咗野菜同大啡菇外，仲會有豆腐同果仁，味道更加多層次，而且仲有附上一小角青檸，有少少似越南特色，食越南粉總係會配上青檸吊吊味😆🌟鮮奶咖啡 +$10🌟飲埋杯咖啡就滿足了，見到竟然有鮮奶咖啡，有點驚喜，因為每日都要有杯咖啡提提神，加上陣間要上堂，一杯美味咖啡來得好合時，飲落有少少
今日下晝要去尖沙咀上堂，上堂前就喺附近餐廳食個lunch先，地舖太多人既關係，就發現咗呢間樓上素餐館，午餐套餐都幾抵食，最平連埋加一，$75有找，有前菜、湯、主食、自選飲品，如果唔岩飲，仲可以加$10升級飲品，我就揀咗鮮奶咖啡😝；唔夠飽仲可以加配甜品，都係由$15-$30不等🤩
🌟冬菇蓮藕眉豆湯🌟
完全係零味精系列，加咗粟米同紅蘿蔔一齊煲味道好清甜，連湯渣都食埋😝
🌟洛神花燴啤梨藜麥沙律🌟
個醬係洛神花醬，酸酸甜甜，餐前食好開胃，燴啤梨好爽口，第一次食燴啤梨配藜麥沙律，原來都幾好味，啤梨同洛神花醬都相當地夾👍🏻
🌟野菜大啡菇炒金邊粉配香脆腐皮卷 $88🌟
樣樣主菜都想食，有選擇困難症，最後比佢個香脆腐皮卷吸引到眼球，嚟到都無令我失望，成個都係腐皮炸，炸至香脆可口而不膩，仲好貼心用枝小木棒卷住去炸，可以用手拎住食；而炒金邊粉裡面除咗野菜同大啡菇外，仲會有豆腐同果仁，味道更加多層次，而且仲有附上一小角青檸，有少少似越南特色，食越南粉總係會配上青檸吊吊味😆
🌟鮮奶咖啡 +$10🌟
飲埋杯咖啡就滿足了，見到竟然有鮮奶咖啡，有點驚喜，因為每日都要有杯咖啡提提神，加上陣間要上堂，一杯美味咖啡來得好合時，飲落有少少焦糖味，而咖啡個base就偏苦，怕苦可以落埋附上既獨立包裝咖啡糖🤩
張貼
