帝樂德國餐廳 (Fashion Walk)

營業中

休息中

心血來潮想食歐陸菜，見到呢間德國餐廳都幾地道，就試吓佢啦！ 匈牙利牛肉濃湯用牛肉同大量蔬菜燉成嘅湯十分濃郁，匈牙利紅椒粉甜多過辣，令湯嘅顏色好鮮艷，非常開胃；牛肉燉得軟爛入味，入口即溶。 德式麵麭圈傳統嘅德國繩結麵包，焗得香脆，搽上牛仔肝醬夠creamy。 凱撒沙律雞肉沙律淋上吞拿魚汁同香草欖油醬，增添鮮味同清新嘅感覺；勞根麵包粒粒好酥脆，增強口感。 德式芝士麵糰呢個都係傳統德國菜，醃製過嘅雞蛋麵團配上青瓜、蕃茄、露筍等唔同蔬菜，加埋秘製混合芝士醬，口感腍腍哋幾特別。