富豪酒家

營業中

休息中

今日有朋友生日，  為左慶祝佢牛一， 一齊去富豪酒家賀一賀 豪一豪佢。我地揀左套餐，每位$1,380。首先黎佢地最拿手既溏心鮑魚，經理提議加鵝掌。鵝掌炆得好淋得好入味，依然富豐富口感，讚，無介紹錯。 溏心鮑魚一樣，火候都係炆得好好。醬汁做得好，食落唔會覺得太膩紅燒碌窩包翅:  用料足，味道恰到好處，唔太濃。食之前呷一啖醋清一清口腔，味道更佳。葱爆海班球：　香口嫩滑，略嫌份量略少。荷葉飯：味道濃郁，前菜係班塊，出菜次序好，如果食完鮑魚食飯可能會覺得有啲飽膩。杏汁燉官燕: 非常足料，啖啖燕窩，鍾意杏味既朋友一齊要試，杏汁味做得好濃郁。