影片
更多
2024-08-03
164 瀏覽
#christine開飯日記元朗最近新開左幾個新商場都開左好多新餐廳。身為元朗友嘅我緊係唔會miss 啦。平時行開加點都覺得依間餐廳裝修好高級😍鋪頭裝修真係好用心，由鋪面到餐具都好靚🥰請食飯去呢一間一定唔會失禮😍🌟醬香茄子（$38）小食我哋就叫醬香茄子，佢嘅味道都好唔錯，雪凍左嘅茄子再加上咸咸甜甜嘅醬香醃製👍做餐前小食都唔錯🌟皮蛋三杯雞（$98）呢個三杯雞好香口😍佢係用石鍋上菜，所以可以keep住熱辣辣👍而且雞好滑亦都好香酒味。🌟鳳梨咕嚕肉($98)我特別鍾意食台式餐廳煮嘅咕嚕肉，因為佢哋除咗菠蘿之外呢仲會有好多其他嘅水果，例如：士多啤梨，藍莓等等。令到嗰個酸甜度呢有更加多層次。☺️而且佢咕嚕肉炸得非常之好，炸粉唔算厚☺️啖啖肉咁🌟塔香鮮蚵煎蛋（$108）有冇人去到台灣特別鍾意食佢哋嘅蚵仔煎？我呢就每次都會食嘅，今次見到呢個鮮蚵煎蛋就即刻試吓☺️☺️佢蚵仔肉呢好大粒👍而且蛋煎得非常之香，送飯一流🌟秋紅芝士奶蓋醇茶（大紅袍）$41佢嘅芝士奶蓋好滑，而且茶味好香❤️❤️我就另外加咗珍珠令到成件事更加好咬口🌟冬桂香水檸檬茶（桂花烏龍）$39屋企人就叫咗香水檸檬茶，茶底一啲都唔會澀，加埋香水檸檬，飲落非常
元朗最近新開左幾個新商場都開左好多新餐廳。身為元朗友嘅我緊係唔會miss 啦。平時行開加點都覺得依間餐廳裝修好高級😍
鋪頭裝修真係好用心，由鋪面到餐具都好靚🥰請食飯去呢一間一定唔會失禮😍
🌟醬香茄子（$38）
小食我哋就叫醬香茄子，佢嘅味道都好唔錯，雪凍左嘅茄子再加上咸咸甜甜嘅醬香醃製👍做餐前小食都唔錯
🌟皮蛋三杯雞（$98）
呢個三杯雞好香口😍佢係用石鍋上菜，所以可以keep住熱辣辣👍而且雞好滑亦都好香酒味。
🌟鳳梨咕嚕肉($98)
我特別鍾意食台式餐廳煮嘅咕嚕肉，因為佢哋除咗菠蘿之外呢仲會有好多其他嘅水果，例如：士多啤梨，藍莓等等。令到嗰個酸甜度呢有更加多層次。☺️而且佢咕嚕肉炸得非常之好，炸粉唔算厚☺️啖啖肉咁
🌟塔香鮮蚵煎蛋（$108）
有冇人去到台灣特別鍾意食佢哋嘅蚵仔煎？我呢就每次都會食嘅，今次見到呢個鮮蚵煎蛋就即刻試吓☺️☺️佢蚵仔肉呢好大粒👍而且蛋煎得非常之香，送飯一流
🌟秋紅芝士奶蓋醇茶（大紅袍）$41
佢嘅芝士奶蓋好滑，而且茶味好香❤️❤️我就另外加咗珍珠令到成件事更加好咬口
🌟冬桂香水檸檬茶（桂花烏龍）$39
屋企人就叫咗香水檸檬茶，茶底一啲都唔會澀，加埋香水檸檬，飲落非常之解油膩👍
🍴玥 (元朗)
📍元朗鳳翔路2-6號加點地下C028號舖
張貼
