麒藝館 (已結業)

新年同親戚朋友食返餐精緻既中菜做節呢款「魚蝦蟹」最應節！包括吉列大海老🦐香脆皮薄，啖啖肉！蟹肉香芹蒸包🦀蟹仔造型既包超可愛😆高湯乾貝魚球🐟最中意呢個！瑤柱包住魚肉，彈牙鮮味🤤以花膠為主題既中菜館，點都試試佢地既招牌菜，呢碗「京都文思海蝦花膠羹」靚到好似幅畫咁😍完全唔捨得飲啊！花膠爽口，份量十足👍🏻另一款「即燒無花菓天下第一豬」，見到有師傅係門口即燒🔥皮薄香脆，配無花菓醬增添多一份香甜味道😋新年點少得食賀年糕點，佢地即煎手作瑤柱臘味蘿蔔糕超足料🤩蘿蔔糕切成長條形，煎得超靚，食到入面滿滿既蘿蔔條，勁正🤤另外仲有多款特色點心，有灌湯豚肉小籠包 、灌湯豚肉爆汁鍋貼、通心脆脆卷都整得好好食！特別灌湯系列，爆哂汁💦勁正！