影片
更多
2024-01-23
162 瀏覽
探魚終於進軍香港喇！之前淨係返深圳先至食嘅探魚，原來已經係沙田新城市廣場開咗第一間香港分店。主打食重慶豆花烤魚、小食同埋串燒。宜家唔洗坐車過關人逼人就食到。今次嚟都係食返最多人食嘅鮮青椒爽麻味烤魚，凌波魚又肥又無細骨係最抵食。係大陸淨係得中麻中辣同特麻特辣揀，香港手機落單，可以打Remarks要少辣，當然都係食完曬先俾錢，現金當然無難度。烤魚覆蓋住鮮青椒同花椒，一上枱店員淋上白酒點火，再灑上花椒粉增香。同大陸手法係一模一樣。烤魚先火烤再放入湯汁，魚肉索晒汁非常之惹味，但係我最後鍾意都係食佢墊底嘅豆腐，鮮嫩又滑溜。不過食之前記得係櫃桶拎返條圍裙，費事整到通身都係。可以自己額外再加配料入去湯打邊爐，叫咗一個菜和一和佢。但係最重要，就係探魚就醬面，芝士加即食麵放入湯汁一齊食真係冇得輸。怕口渴其實佢出面有免費花茶可以任沖任飲。佢哋啲炸物其實都好好食，炸金菇香脆，完全改變晒佢應該有嘅質地。炸酥肉又香又脆，但係最好食嘅原來係佢嘅炸雞球。又juicy 又夠熱。想試晒嘅就可以叫一個，易燃易爆小吃天團就乜都齊晒。最後當加$6食埋佢嘅任食冰粉，大量配料、糖漿任加。怕辣就食一碗立即解辣。
之前淨係返深圳先至食嘅探魚，原來已經係沙田新城市廣場開咗第一間香港分店。主打食重慶豆花烤魚、小食同埋串燒。宜家唔洗坐車過關人逼人就食到。
今次嚟都係食返最多人食嘅鮮青椒爽麻味烤魚，凌波魚又肥又無細骨係最抵食。係大陸淨係得中麻中辣同特麻特辣揀，香港手機落單，可以打Remarks要少辣，當然都係食完曬先俾錢，現金當然無難度。
烤魚覆蓋住鮮青椒同花椒，一上枱店員淋上白酒點火，再灑上花椒粉增香。同大陸手法係一模一樣。烤魚先火烤再放入湯汁，魚肉索晒汁非常之惹味，但係我最後鍾意都係食佢墊底嘅豆腐，鮮嫩又滑溜。不過食之前記得係櫃桶拎返條圍裙，費事整到通身都係。
可以自己額外再加配料入去湯打邊爐，叫咗一個菜和一和佢。但係最重要，就係探魚就醬面，芝士加即食麵放入湯汁一齊食真係冇得輸。怕口渴其實佢出面有免費花茶可以任沖任飲。
佢哋啲炸物其實都好好食，炸金菇香脆，完全改變晒佢應該有嘅質地。炸酥肉又香又脆，但係最好食嘅原來係佢嘅炸雞球。又juicy 又夠熱。想試晒嘅就可以叫一個，易燃易爆小吃天團就乜都齊晒。
最後當加$6食埋佢嘅任食冰粉，大量配料、糖漿任加。怕辣就食一碗立即解辣。
張貼
