鵜舞

營業中

休息中

有啲人覺得冬天食日本嘢好凍，最近荔枝角鵜舞推出咗冬日鍋物同埋蟹料理，四手聯乘研發今日蟹祭料理，除咗食到新鮮嘅食材之外，一齊過暖笠笠嘅冬日。北海道濃厚雪人牛乳鍋冬天就最啱叫呢款牛乳鍋，鍋上邊有一個好得意嘅雪人。雪人其實係由大根製成，咁就可以瘋狂打卡唔使驚佢溶。至於湯底就用上北海道牛乳、牛油、野菜、昆布湯底煮成，飲完都成個身暖哂。宮城水芹鍋呢款係宮成縣嘅傳統鄉土料理，最特別就係用咗德島阿波酢橘雞，配搭水芹、牛蒡、白葱和豆腐。湯底雖然清淡更加能夠突顯雞肉嘅甜味。鹿兒島豚肉野菜卷選用日本鹿兒島豚肉，配搭生菜同埋芫荽。可以見到每一串都燒到香脆，豚肉嘅油脂滲哂入野菜入邊，真係好滋味。蟹膏味噌蔬菜條清爽嘅蔬菜條，配搭鹹鮮味十足嘅蟹膏醬，作為前菜都好開胃。德島產阿波尾雞翼真係超巨大嘅雞翼，聽講阿波尾雞翼出咗名雞肉味濃厚，外皮加上配料燒到香脆，內層亦都勁多肉汁。鹿兒島炙燒和牛釜飯輕微炙燒過嘅和牛保持到粉嫩，食嘅時候配搭生蛋同埋米飯一齊攪拌均勻，每一啖都係牛肉嘅肉香。松葉蟹肉帶子卷白色透明嘅帶子，配搭濃郁鮮甜嘅蟹肉，每一啖都係海鮮嘅鮮味。