影片
更多
2017-02-07
17489 瀏覽
勁中意海鮮。。超中意海鮮，「蟹」之特別愛好者 （笑）。今次朋友好介紹，帶我黎到呢間粥底火鍋，講緊係抵食夾大件，初時佢同我講$198（冇加一）海鮮食到你飽，我都唔信，食完之後我信了（爆）我地大食積2人組叫左3人份量，係咪好顛呢? 因為覺得海鮮唔會好飽，點知，我錯了 (≧ω≦)/呢個餐入面有好多唔同種類海鮮，包括: 花甲、蝗蜆、大蚌、北寄貝、鮑魚、魚、蝦、蟹。海鮮唔知煮幾耐? 唔緊要，有張紙教你㗎，仲有alarm俾你set添。嗱，飽魚每人一隻，蟹每人半隻，鮑魚上檯仲郁緊，勁新鮮，蟹都係一梳梳肉咁食，但其中半隻有點梅，應該死左一段比較長嘅時間 （笑）蝦每人2隻，係大隻厚肉彈牙feel㗎，魚我唔知係咩魚，見到魚皮有啲驚（嘔），但點都要試下嘅，魚肉唔腥，好滑喎。呢2碟有4款貝類，全部唔識分，但係新鮮又鮮甜的，冇沙，講真，齋食呢幾碟海鮮點會飽吖，個餐入面仲有其他野㗎，自己揀食咩啦！我地叫左手打雞骨丸，呢個正，雞軟骨咬落特別爽口，我中意，仲有蔬菜類:粟米、南瓜、芋頭。魚皮餃未免太多了吧！每人4粒啊！飽到呢。我想講一定要點油炸鬼，頂。。浸左有海鮮精華嘅粥底好味到顛，勁想encore，但太飽，冇計。豬肉
我地大食積2人組叫左3人份量，係咪好顛呢? 因為覺得海鮮唔會好飽，點知，我錯了 (≧ω≦)/呢個餐入面有好多唔同種類海鮮，包括: 花甲、蝗蜆、大蚌、北寄貝、鮑魚、魚、蝦、蟹。
海鮮唔知煮幾耐? 唔緊要，有張紙教你㗎，仲有alarm俾你set添。嗱，飽魚每人一隻，蟹每人半隻，鮑魚上檯仲郁緊，勁新鮮，蟹都係一梳梳肉咁食，但其中半隻有點梅，應該死左一段比較長嘅時間 （笑）
蝦每人2隻，係大隻厚肉彈牙feel㗎，魚我唔知係咩魚，見到魚皮有啲驚（嘔），但點都要試下嘅，魚肉唔腥，好滑喎。
呢2碟有4款貝類，全部唔識分，但係新鮮又鮮甜的，冇沙，講真，齋食呢幾碟海鮮點會飽吖，個餐入面仲有其他野㗎，自己揀食咩啦！
我地叫左手打雞骨丸，呢個正，雞軟骨咬落特別爽口，我中意，仲有蔬菜類:粟米、南瓜、芋頭。
魚皮餃未免太多了吧！每人4粒啊！飽到呢。我想講一定要點油炸鬼，頂。。浸左有海鮮精華嘅粥底好味到顛，勁想encore，但太飽，冇計。
豬肉算係同類套餐類當中有質素的，平時出面果啲好廢，一係肥到食完會痾賴屎，一係又瘦又有街市臭豬味。花膠仔真係膠左啲，似豬皮多啲啊！（爆）
食最後就呢個滿佈精華嘅粥底煮粥，想稀d 杰d同店員講就得啦，我就揀左稀d，配料好似有菜脯、冬菜、蔥，同埋豬油渣，下次只落豬油渣好d，唔會俾其他配料搶左海鮮粥嘅味道嘛。
張貼
