影片
更多
2024-08-26
1163 瀏覽
好多年無去過六福食啦，呢個地方有好多唔同嘅回憶，難得有個多年無見嘅朋友再去，吃得特別開心快樂。再想起食過幾次那年代，係食得最多寫得最多的時代，係所謂食網最流行的時間，然後有次Openrice出書竟然quote左自己寫乜而開心了半天的那個簡單時代。過盡千凡的年代後，再來到這裡的下午，再見番朋友同回憶的雙重影響下，呢餐飯都別有感觸，人成長好，不過六福食左十幾年始終不變，無他，咁多年一星都無跌番，已經係最強的證明。食過四五次嘅椒鹽奇脆豆腐完全無退步，每次食六福都一定要叫。反而無記憶有冇食過生扣北菇雞腳，例牌$188好似好貴，但食落個味道真係令人難以忘懷，生扣個汁真係非常精彩，呢個時候最想食一碗飯。無食椒鹽鮑魚，反而朋友點左果皮蒸鮑魚，選了南非鮑魚，真係超大隻，而且時間掌握得正好。又係必點之作，西貢地道魚湯，一窩$248，不過記得以前係泰海鮮會見到好多魚，呢到嘅魚湯乾淨好多。豉椒炒蟶子皇煎米粉用個熱砂煲來食，我以為自己未食過，同老闆講開佢問我以前食乜，搵番啲相我先知原來我食過，海斑龍吐珠炒球，連加工都係千幾蚊，真係物超所值。個球當然係做得完美，連個魚身唔係整得靚咁簡單，連骨食都係脆。試下鮮菠蘿
好多年無去過六福食啦，呢個地方有好多唔同嘅回憶，難得有個多年無見嘅朋友再去，吃得特別開心快樂。
再想起食過幾次那年代，係食得最多寫得最多的時代，係所謂食網最流行的時間，然後有次Openrice出書竟然quote左自己寫乜而開心了半天的那個簡單時代。
過盡千凡的年代後，再來到這裡的下午，再見番朋友同回憶的雙重影響下，呢餐飯都別有感觸，人成長好，不過六福食左十幾年始終不變，無他，咁多年一星都無跌番，已經係最強的證明。
食過四五次嘅椒鹽奇脆豆腐完全無退步，每次食六福都一定要叫。
反而無記憶有冇食過生扣北菇雞腳，例牌$188好似好貴，但食落個味道真係令人難以忘懷，生扣個汁真係非常精彩，呢個時候最想食一碗飯。
無食椒鹽鮑魚，反而朋友點左果皮蒸鮑魚，選了南非鮑魚，真係超大隻，而且時間掌握得正好。
又係必點之作，西貢地道魚湯，一窩$248，不過記得以前係泰海鮮會見到好多魚，呢到嘅魚湯乾淨好多。
豉椒炒蟶子皇煎米粉用個熱砂煲來食，我以為自己未食過，同老闆講開佢問我以前食乜，搵番啲相我先知原來我食過，
海斑龍吐珠炒球，連加工都係千幾蚊，真係物超所值。個球當然係做得完美，連個魚身唔係整得靚咁簡單，連骨食都係脆。
試下鮮菠蘿生炒骨，呢個相對無海鮮咁令人沉迷，不過都幾好食。
豉油王炒肉蟹，共$766，雖然係肉蟹，都有不少蟹膏，不過，個人食蟹都係覺得懶惰，喜歡食蝦多一點。
醋炒芥蘭又係呢度名物，醋炒呢個方法應該都真係只此一家。
豉油王炒麵又係最後一個一定要食嘅推薦，勁多芝麻炒得好乾身，應該無人不愛，平時豉油王炒麵你食到嘅係鑊氣，呢到食到嘅係一股高貴的味道。
仲有免費甜品椰汁西米糕送，聽講係員工特登喺九龍城買料入嚟整，都唔錯。
食完餐，談起很多人與事，和兩位很久不見的朋友再講起很多事，很無聊的人，再談也是浪費自己時間，和那天有毒的人和關係講再見吧。
張貼
