焱丸水產

營業中

休息中

尖沙咀依間「焱丸水產」食晚飯，依度嘅環境裝修行日系風格，主打各式各類海鮮菜式。*此餐廳收取加一服務費。本鮪吞拿魚盛合（單點$288），採用藍鰭吞拿魚製作，拖羅刺身，魚味濃郁；中拖羅刺身，完全沒有筋位，油花分佈呈雪花紋，食落魚味濃厚、沒有腥味；海膽三文魚籽香蔥吞拿魚蓉壽司，海膽口感Creamy，味道甘香，香蔥吞拿魚蓉味道清爽；洋蔥炙燒大拖羅壽司，食落入口即化、油脂味濃、帶有焦香味道；赤身拖羅壽司，食落啖啖肉；醬油漬角切赤身拖羅，口感厚肉，味道鹹甜，配以香蔥、芝麻、生雞蛋食用，肉質更加嫩滑。黑松露蟹肉甲羅燒（單點$75），內有黑松露、蟹肉、蟹膏、蟹籽、鵪鶉蛋、味噌、香蔥，蟹肉味道鮮甜，配以黑松露醬食用，食落好香口。焱丸蟹味噌甲羅燒（單點$68），內有蟹肉、蟹膏、蟹籽、鵪鶉蛋、香蔥，配以自家製味噌、青瓜絲食用，啦，味道鹹鮮。青蘋果颱風乳酸梳打（單點$68），冰蘋果片串口感爽脆，食落好冰涼，青蘋果乳酸梳打味道酸甜。