影片
更多
2025-02-13
0 瀏覽
餐牌、風格感覺大陸格局，不過如果係好食嘅，我其實冇乜所謂。老公想叫個牛腩麵，點知佢話牛腩賣哂，得番崩沙腩（但要加$10）。吓？！當日係星期六中午12點幾，你嘅招牌菜係牛腩，有乜理由咁快賣哂呀？？感覺佢係想老屈客人俾多十蚊。於是唔要牛腩，改要豬雜麵。豬雜係指豬內臟：豬膶、豬腸、豬肺、豬肚。但呢度嘅豬雜非常神奇，係豬肉片+豬紅+豬肚+豬膶。用肉片充數當豬雜真係第一次見，都算，個豬膶係滲哂血完全唔熟！！🤮油菜叫咗西蘭花，侍應問我哋要腩汁定蠔油，我哋要腩汁，點知嚟到兩樣都唔係，味道係溝咗水嘅豉油囉⋯最後我嘅菜肉雲吞麵算係正常，雲吞食得出餡料新鮮，不過湯底淡而無味。一句到尾，冇下次喇👋🏼
老公想叫個牛腩麵，點知佢話牛腩賣哂，得番崩沙腩（但要加$10）。吓？！當日係星期六中午12點幾，你嘅招牌菜係牛腩，有乜理由咁快賣哂呀？？感覺佢係想老屈客人俾多十蚊。於是唔要牛腩，改要豬雜麵。
豬雜係指豬內臟：豬膶、豬腸、豬肺、豬肚。但呢度嘅豬雜非常神奇，係豬肉片+豬紅+豬肚+豬膶。用肉片充數當豬雜真係第一次見，都算，個豬膶係滲哂血完全唔熟！！🤮
油菜叫咗西蘭花，侍應問我哋要腩汁定蠔油，我哋要腩汁，點知嚟到兩樣都唔係，味道係溝咗水嘅豉油囉⋯
最後我嘅菜肉雲吞麵算係正常，雲吞食得出餡料新鮮，不過湯底淡而無味。一句到尾，冇下次喇👋🏼
張貼
