影片
更多
2019-12-14
1519 瀏覽
之前用外賣app買過琦興嘅茶餐都ok，外賣自取時順便問下鬍鬚老闆，西九龍中心附近送唔送外賣㗎，佢話送！咁就得喇👌，因為我諗住請同事食下午茶，想試下新嘢，又見唔係貴，平均$3x內一個搞掂，我哋叫咗大約17份茶餐，只係承惠$590咋。其實請同事試新野，真係有啲壓力，驚唔好食🙈，好彩無伏，評價仲幾好！有人叫焗飯、炒粉嗰啲，下午茶餐size但無特別細，佢哋都話味道ok。而作為食肉獸，我就梗係唔會放過炸髀啦🍗，有啲同事本身都想嗌，但上網見相好似唔係好吸引喎哈哈。後來佢哋發現走寶了🤣。生炸巨型雞髀🍗($35)，奉送紅豆冰／菠蘿冰，話明特別推介，真係無做壞招牌！同事拎比我時已經聞到好香，仲發現原來連個餐盒都特別大個！當然打開後，隻雞髀都真係無呃人，係超巨型㗎，大塊過我塊面。我仲特登影咗對比圖，顯示佢有幾大隻XD，等其他人睇到我嘅食評可以作客觀參考😂。炸髀送到嚟都仲算熱辣辣，香噴噴，炸皮脆脆的，無見到好明顯好油算係咁啦。味道方面，🐔雞髀夠哂味，鹹鹹哋，唔止得個皮有味。我最擔心係咁大隻雞髀，入面炸唔熟，血淋淋，要切咗一忽去。但呢隻真係全熟👍，抵讚，滿分推介😋。如果加$5就可以配埋薯條或沙律，但齋食隻髀已
之前用外賣app買過琦興嘅茶餐都ok，外賣自取時順便問下鬍鬚老闆，西九龍中心附近送唔送外賣㗎，佢話送！咁就得喇👌，因為我諗住請同事食下午茶，想試下新嘢，又見唔係貴，平均$3x內一個搞掂，我哋叫咗大約17份茶餐，只係承惠$590咋。
其實請同事試新野，真係有啲壓力，驚唔好食🙈，好彩無伏，評價仲幾好！有人叫焗飯、炒粉嗰啲，下午茶餐size但無特別細，佢哋都話味道ok。而作為食肉獸，我就梗係唔會放過炸髀啦🍗，有啲同事本身都想嗌，但上網見相好似唔係好吸引喎哈哈。後來佢哋發現走寶了🤣。
生炸巨型雞髀
$35
48 瀏覽
0 讚好
0 留言
生炸巨型雞髀🍗($35)，奉送紅豆冰／菠蘿冰，話明特別推介，真係無做壞招牌！同事拎比我時已經聞到好香，仲發現原來連個餐盒都特別大個！當然打開後，隻雞髀都真係無呃人，係超巨型㗎，大塊過我塊面。我仲特登影咗對比圖，顯示佢有幾大隻XD，等其他人睇到我嘅食評可以作客觀參考😂。
生炸巨型雞髀
$35
59 瀏覽
0 讚好
0 留言
炸髀送到嚟都仲算熱辣辣，香噴噴，炸皮脆脆的，無見到好明顯好油算係咁啦。味道方面，🐔雞髀夠哂味，鹹鹹哋，唔止得個皮有味。我最擔心係咁大隻雞髀，入面炸唔熟，血淋淋，要切咗一忽去。但呢隻真係全熟👍，抵讚，滿分推介😋。如果加$5就可以配埋薯條或沙律，但齋食隻髀已經好飽，我切咗一大忽雞髀比同事都仲覺得好夠食。而跟餐嘅菠蘿冰都ok，味道正常，飲完打開蓋發理菠蘿粒🍍佔咗半杯，份量好慷慨。
潮洲三寶麵
$38
47 瀏覽
0 讚好
0 留言
隔離位要咗潮州粉麵餐(A類)嘅三寶幼麵，多腩汁，即係包括牛腩、雲吞、牛丸。餐廳有將麵同湯分開👍。麵質幾彈牙，無變到一餅餅，無梘水味，而個湯亦唔味精。至於啲餸，牛腩都幾大嚿，有筋有腩；雲吞同牛丸就各一粒，雲呑相對一般，係有隻蝦🍤，但整體比較實；牛丸就係一粒普通牛丸，無乜特別。碗麵都算好食，但比起其他麵舖貴，茶餐來説性價比唔高。
常餐
$33
40 瀏覽
0 讚好
0 留言
另外，順便介紹埋我前日食嘅嗰個外賣常餐，只係$33(+$1外賣)。我要咗沙嗲牛肉通粉，呢個都幾好食，特別係啲🐮牛肉幾靚，每片都唔係肥膏，份量亦唔少。通粉夾埋沙嗲湯幾惹味，但食到尾有啲油。另外，個餐仲有牛油方包+火腿奄列，後者正正常常，煎得唔錯，但個方包🍞就真係寡咗啲，牛油又少，包又唔夠淋，麻麻地。不過我本身對方包都無咩期望，是但。常餐質素嚟講，算好好，而且好抵食。
因為我去過餐廳自取外賣，所以見到環境都四四正正，有啲裝修，用上香港茶記特色做主題，幾唔錯。而餐廳老闆同店員都有禮貌，加上今次外賣訂單有咁多份都無落錯到😌。
總括嚟講，呢間街坊茶記幾高質👍。位置其實就近南昌多啲，但好彩比我發現到。食物質素好，定價平，剩係隻生炸雞髀就足夠令我回頭啦！
張貼
