更多
2022-12-14
309 瀏覽
其實係一個go kart賽車場🏎️,今次去嘅目的都係為咗玩車,飲飲食食連配角都不如,只係茄喱啡,所以唔會抱有期待。或者正正因為冇期待,抱住好一餐唔好又一餐嘅心態之下,見到佢今日飲食呢一part嘅佈局係自助小食bar形式,望落選擇都算豐富,賣相整齊靚仔,立即有啲好感。沙律🥗、雞翼、薯條🍟、腸仔、雞肉串、炒雜菇、意粉🍝、pizza、各式汽水🥤等等,食物全部都能夠保持熱度,唔會攤凍晒。最加分嘅係食完一款之後,佢會立即煮另一款新菜式出嚟,例如佢換咗款炸蠔、炸蝦🍤出嚟,熱辣辣拎出嚟嗰刻特別好食,尤其個炸蠔,咬落去仲有水份,頗鮮味。同行友人好鍾意食佢個白汁意粉,印象中食咗兩三轉,貪佢汁多味濃。今次食評漏咗啲「日本風情畫」🇯🇵。今次我聯想到嗰啲主題合集,即係封面封底好多架妹,睇落花多眼亂又誇啦啦,但偏偏冇個識,而且最搶眼一定係個主題,例如double may、豪華團、黑色絲襪、日式沖涼之類。根據經驗,9成都係伏,唔係其貌不揚就係甩皮甩骨,真係「小」出嚟,言語上「小」,唔係動作上。不過始終畀個主題吸引,做個試伏勇者,博佢有驚喜,唔一定要高質,但求有一個半個睇得。呢間cafe,就係有驚喜嗰套合集,整體水準
或者正正因為冇期待,抱住好一餐唔好又一餐嘅心態之下,見到佢今日飲食呢一part嘅佈局係自助小食bar形式,望落選擇都算豐富,賣相整齊靚仔,立即有啲好感。
沙律🥗、雞翼、薯條🍟、腸仔、雞肉串、炒雜菇、意粉🍝、pizza、各式汽水🥤等等,食物全部都能夠保持熱度,唔會攤凍晒。
最加分嘅係食完一款之後,佢會立即煮另一款新菜式出嚟,例如佢換咗款炸蠔、炸蝦🍤出嚟,熱辣辣拎出嚟嗰刻特別好食,尤其個炸蠔,咬落去仲有水份,頗鮮味。
同行友人好鍾意食佢個白汁意粉,印象中食咗兩三轉,貪佢汁多味濃。
今次食評漏咗啲「日本風情畫」🇯🇵。今次我聯想到嗰啲主題合集,即係封面封底好多架妹,睇落花多眼亂又誇啦啦,但偏偏冇個識,而且最搶眼一定係個主題,例如double may、豪華團、黑色絲襪、日式沖涼之類。根據經驗,9成都係伏,唔係其貌不揚就係甩皮甩骨,真係「小」出嚟,言語上「小」,唔係動作上。
不過始終畀個主題吸引,做個試伏勇者,博佢有驚喜,唔一定要高質,但求有一個半個睇得。
呢間cafe,就係有驚喜嗰套合集,整體水準有觀看性。
張貼