影片
更多
2024-04-27
64 瀏覽
星期五臨放工先決定去AIRSIDE，首次踏足呢個商場，好多店舖同餐飲品牌都未見過，感覺新奇揀AIRSIDE Cafe係因為佢係Cafe Deco Group旗下，download app即送$200 dining credits，如果撞正生日月份更有25% off同甜品送。最正嘅係所有優惠可以一齊用！集團好大方，哈哈嘢食方面，試咗以下菜式：．魷魚 — 煮老咗唔夠嫩滑，但各種香料、梅同西檸嘅香氣十分清新，調味出色．炸粟米 — 以為係原條粟米切件炸，原來係將粒粒粟米黐埋成塊狀，又唔係平時啲粟米餅咁用魚肉／豬肉做底，口感香脆輕盈，個汁又開胃．千歲豬 — 由豬肉到個汁同配菜，樣樣都好好食！．蟹肉手捲麵 — 第一次食呢種意粉，口感幾好，同忌廉汁好夾。蟹肉不過不失，如果有得揀海膽或明太子就好喇．焗西蘭花 — 西蘭花有焦香味，加咗脆脆嘅杏仁片同估唔到咁夾嘅醃菜．南瓜雪糕 — 配料好豐富，各樣單獨食ok但加埋唔算有提升。雪糕加咗好似薑咁有少少辣嘅調味，幾特別餐廳價錢本身唔平，但坐得舒服又唔趕你走，間中聚會可以考慮，用埋app送嘅vouchers就更值得試想表揚有個著全黑、望落比較細個嘅同事，好殷勤
揀AIRSIDE Cafe係因為佢係Cafe Deco Group旗下，download app即送$200 dining credits，如果撞正生日月份更有25% off同甜品送。最正嘅係所有優惠可以一齊用！集團好大方，哈哈
嘢食方面，試咗以下菜式：
．魷魚 — 煮老咗唔夠嫩滑，但各種香料、梅同西檸嘅香氣十分清新，調味出色
．炸粟米 — 以為係原條粟米切件炸，原來係將粒粒粟米黐埋成塊狀，又唔係平時啲粟米餅咁用魚肉／豬肉做底，口感香脆輕盈，個汁又開胃
．千歲豬 — 由豬肉到個汁同配菜，樣樣都好好食！
．蟹肉手捲麵 — 第一次食呢種意粉，口感幾好，同忌廉汁好夾。蟹肉不過不失，如果有得揀海膽或明太子就好喇
．焗西蘭花 — 西蘭花有焦香味，加咗脆脆嘅杏仁片同估唔到咁夾嘅醃菜
．南瓜雪糕 — 配料好豐富，各樣單獨食ok但加埋唔算有提升。雪糕加咗好似薑咁有少少辣嘅調味，幾特別
餐廳價錢本身唔平，但坐得舒服又唔趕你走，間中聚會可以考慮，用埋app送嘅vouchers就更值得試
想表揚有個著全黑、望落比較細個嘅同事，好殷勤，加水、收碟做得好足，問vouchers點用又好有耐性咁答同幫我哋處理，都反映到餐廳喺training方面做得幾好
連埋其他同事整體服務ok，只係感覺做嘢有啲趕，如果從容啲、笑容多啲、收碟放碟細力啲會更好
張貼