Pier 7 Cafe & Bar

N年前一個下午。 友人M帶我黎呢到食左個風雨中的lunch。其後周不時都黎呢到食下。午餐自助餐由唔過百食到最平百二。見證住通貨膨脹。星期二黎最開心因為係燒西冷 。肉質腍滑中帶筋位置有咬口。肉汁香甜。燒汁香濃（原來當年係好watery）。前後食左四轉八塊手掌般大先夠喉。（嗯。。。我仲係食肉獸）唔好以為只係食肉獸先會滿足到。因為佢既沙律吧絕對不容錯過。羅馬生菜新鮮爽甜。流量快refill亦快。冇一塊菜係生銹同風乾左。車厘茄用陳醋撈過。越食越開胃。南瓜同茄子火路剛好。唔會硬亦唔會一pat pat。調味亦對口味。係海港城返工坐船過黎食。船程可以放空腦袋。食個lunch打滿個胃。返到去又再埋頭苦幹。