影片
更多
2024-01-21
28 瀏覽
自從上次食完銅鑼灣嗰間之後，知道佢有分店，試吓佢啲質素保唔保持到。當然都係因為食完銅鑼灣覺得都幾高質之後先再幫襯啦。依稀記得佢哋個餐牌都係一樣嘅，我哋兩個人食都嗌咗幾多，地方坐得舒服，自然會想飲吓嘢再食吓嘢留耐啲。海葡萄海藻青瓜沙律($58): 海葡萄數量係鋪滿成個沙律嘅，沙律俾我想像中有少少細，不過加埋特製嘅醋汁感覺都幾開胃，除咗海藻之外，仲有少少青瓜絲去墊底嘅，而且見到咁多海葡萄都抵番啦。半熟秘醬三文魚丼($128): 上菜嘅時候好靚，仲有一碟仔芝麻去半碟， 待應叫我哋盅碎啲芝麻先，再灑上面食。三文魚份量好多好多，而且上枱嘅時候聞到好香嘅燒烤味，真係令人食慾大增。要一讚嘅係三文魚好肥美，成個口充滿着魚油，其實唔需要落任何調味料都已經好好食啦。濃湯蕃茄咖喱牛肉烏冬($78): 上菜熱辣辣，已經令食物可以好味一倍。蕃茄嘅份量應該有成個新鮮蕃茄擺咗喺烏冬入邊，烏冬方面就正正常常，都滑嘅，湯底番茄同咖喱嘅平衡做得好好，大家唔會搶咗大家嘅味道，我諗我會為咗呢一碗烏冬再次幫襯。麥粒味噌黑豚肉薄餅($118): 賣相其實同上次試過嘅明太子什菌地雞薄餅差唔多，味道方面都幾好，但就唔會有太多特別記得
海葡萄海藻青瓜沙律($58): 海葡萄數量係鋪滿成個沙律嘅，沙律俾我想像中有少少細，不過加埋特製嘅醋汁感覺都幾開胃，除咗海藻之外，仲有少少青瓜絲去墊底嘅，而且見到咁多海葡萄都抵番啦。
半熟秘醬三文魚丼($128): 上菜嘅時候好靚，仲有一碟仔芝麻去半碟， 待應叫我哋盅碎啲芝麻先，再灑上面食。三文魚份量好多好多，而且上枱嘅時候聞到好香嘅燒烤味，真係令人食慾大增。要一讚嘅係三文魚好肥美，成個口充滿着魚油，其實唔需要落任何調味料都已經好好食啦。
濃湯蕃茄咖喱牛肉烏冬($78): 上菜熱辣辣，已經令食物可以好味一倍。蕃茄嘅份量應該有成個新鮮蕃茄擺咗喺烏冬入邊，烏冬方面就正正常常，都滑嘅，湯底番茄同咖喱嘅平衡做得好好，大家唔會搶咗大家嘅味道，我諗我會為咗呢一碗烏冬再次幫襯。
麥粒味噌黑豚肉薄餅($118): 賣相其實同上次試過嘅明太子什菌地雞薄餅差唔多，味道方面都幾好，但就唔會有太多特別記得嘅地方。同埋佢有京蔥，所以我自己唔係太鍾意，朋友係京葱fans所以佢話好夾。同樣薄餅夠脆，口感十足。
燒鱈魚乾($38): 叫呢一個純粹係朋友要飲啤酒，叫呢一個送酒最好不過，燒得夠脆，而且份量好多好滿意。
脆香辣三文魚卷($48): 記得呢個上次都幾好食，所以encore。
今次試咗黑板上面嘅兩樣嘢:
蜜糖芥末章魚燒($32): 有少少失望嘅，粉漿多不特止，仲要唔係太食到有章魚，不過我鍾意佢外皮整得好脆，唔會好似出邊嗰啲好林好濕。
明太子紫菜天婦羅: 又係平時喺居酒屋唔會太常，叫到幾多道菜。即叫即整就固然啦，都欣賞佢紫菜係夠趣嘅，而且明太子都中規中矩，不過呢啲真係佐酒小食，如果就咁食嘅真係會太鹹，不過我哋有梳打水同埋啤酒就啱啱好。
飲品叫咗啤酒同埋柚子梳打。
總結：兩間分店都不相伯仲，都係高質嘅，用到嘅刺身好新鮮，而且對食材嘅品質監控都做得好好，好似每一次食都會有少少驚喜位咁樣，而且都見到有大班朋友嚟食，相信人氣都不少。
張貼
