九五至尊火鍋狗毛

營業中

休息中

餐廳環境闊落寬敞，有幾間VIP房可以唱K，亦都有酒吧可以玩飛鏢；裝修好靚好泵本，連醬料區都霸氣過人😆Follow IG有得free火鍋湯底/半價雞煲，連鴛鴦鍋都可以免費！除咗火鍋配料，呢度重有好多款酒精飲品同泰菜可以揀，泰式串燒、炒粉麵同甜品等都有😳職員話呢度嘅老闆係做泰國餐廳起家，所以好識整泰菜。我哋揀咗冬蔭湯底＋皮蛋芫茜湯底，在此勁力推薦佢個冬蔭湯，酸辣惹味，香濃足料😋🥢麻辣鴨血免費任食，煮到好入味，都幾辣幾香口。🥢手切本地牛睇雪花都知正，肥瘦均勻，肉質軟腍，牛味濃郁😍🥢珊瑚蚌、三黃雞肉、鱔片、冬瓜、紅薯粉珊瑚蚌爽口彈牙，$58嚟講份量都幾多，抵食👍🏻鱔片新鮮，肉質緊實；三黃雞肉比普通雞肉更加嫩滑、有雞味；冬瓜同薯粉勁夾個冬蔭湯底，索曬味好正。🥢燒鱔串好juicy，冇細骨，啖啖肉，魚油勁香🤤🥢椒鹽墨魚咀即叫即炸，熱焫焫上檯，外脆內軟。