六両三.台灣食堂

營業中

休息中

原來六両三都有火鍋食！今日同媽咪去觀塘，順便一人一鍋打邊爐。有自助火鍋醬料，鍾意食咩慢慢揀。每人叫咗一人火鍋套餐，藥膳麻辣火鍋好抵食，有埋鴨血同豆腐，好入味！叫咗一份鹿兒島豚梅肉同澳山M7和牛後腿肉眼，豚梅肉比較軟紫口，和牛後腿肉比較結實，一定係隻牛後腿郁得多。台灣燕餃、薑母鴨丸同鱈魚丸好地道，台式火鍋先食到，係幾特別。鱈魚丸味道似花枝丸，煙煙韌，幾好食！雜菜盤份量十足，芋頭、金針菇、粟米同蒟蒻等等，種類好多，平衡返個油膩感。蒟蒻好煙韌，好好味，似年糕。最後食埋個王子麵，吸哂個湯頭，好入味！加埋個秘製醬汁，撈勻個麵，真係一流，完全唔使加調味包。媽咪食冬粉，都係好掛湯，好入味。