楚撚記大排檔

營業中

休息中

同鄰居打緊羽毛球，突然有人話想食呢間小菜館。不過話好難book就想放棄。好耐之前已經上市呢一間，咁就打電話去碰碰運氣。點知又俾我book到即晚嘅8:30。打完波就滿心歡喜出去食飯。因為得三個人唔叫得多，今次就是住少少先。黃金粟米，味道係冇得輸嘅，不過就略嫌佢唔夠乾身。菠蘿豬大腸，呢度處理得幾好個外皮炸得好脆裏便又唔會太韌。最重要嘅佢唔似得出邊啲小炒店，炸到好似柴咁跟住又俾啲腸尾完全冇肉食。另外鄰居點咗個豬油撈飯，但係佢餐牌有個經典嘅。我就口痕問吓有咩分別原來經典嘅話係自己即場撈。咁梗係自已撈過癮啦。即撈即食先至夠香，最終都冇令我失望，真係好好食。另外叫咗個牛仔骨煲，一試佢個黑椒汁，即刻想嗌碗白飯嚟撈汁。不過控制咗自己，因為打完波都係唔好食咁多碳水化合物，點知佢下邊用粉絲墊底索曬啲黑椒汁，真係好食到癲咗。跟住鄰居唔夠喉，後尾加多咗個黑松露墨魚餅，係幾香嘅同埋有誠意，裏面真係見到有墨魚粒，不過就細咗少少。整體嚟講呢餐超滿足。事次為自費用膳。