名門壹號

營業中

休息中

初二家人訂枱宴客，圍餐需先付1000定金，晚上六時半準時上菜。酒樓環境好，樓底高，枱之間尚算寬闊。我們十五人坐在舞台前的大枱，相當闊落。當晚晚市服務人手充足，而且態度都良好。食物方面，份量都幾大碟，比一般酒樓套餐的份量都多，所以我們15人都食唔曬。食物質素都不錯，燒味拼盆、大蝦伊麵都出色，不過可能當晚人多酒樓上菜次序都有點亂來，伊麵是第一道上的菜。海鮮卷都幾好味，唔會太多沙律醬，外皮脆金香美味，每條比平時食的大，包到脹卜卜。大蝦伊麵蝦的數量多，也十分大碟，配菜也多，每人可以食兩碗。    整體而言，是幾好的開年晚餐，而且可以有大銀幕睇初二煙花直播，老人家都相當開心興奮。甜點是紅豆沙湯丸，不過是冇餡的，只有麵粉一團，比較令人失望。