影片
更多
2023-03-26
192 瀏覽
Happy friday 同朋友嚟到東涌喜來登酒店初嘗黎巴嫩菜。餐廳佈置用心，大部份嘅凳都係由竹藤製成，而且擺放左多盤綠色植物，非常度假風，感覺好舒適同放鬆，基本上每一個都係打到卡嘅位置。店員非常好客，知我哋第一次食黎巴嫩菜，都會詳細介紹食物俾我哋認識。叫完嘢食，店員會先送一碟橄欖做餐前小食，橄欖味道濃郁，帶少少酸，幾開胃。Mix Hummus plater 共有四種口味既鷹嘴豆泥，包括:檸檬芝麻醬口味、青瓜味、紅菜頭味同埋黑松露味。另外配兩塊彼得包，店員教嘅食法係將彼得包搣一小塊，再點hummus食，hummus口感順滑，有啲似食緊薯蓉嘅感覺，紅菜頭同埋檸檬芝麻口味味道清新。個人比較鍾意青瓜味同埋黑松露味，味道較為濃郁，帶點鹹香。.Feta Watermelon Salad第一次食西瓜沙律，賣相紅卜卜好得意，西瓜清甜多汁，feta cheese 質地少許濕潤，微鹹重奶味，配西瓜幾夾幾開胃。.Chargrilled Octopus Tenticles 八爪魚鬚有咬口，柔軟得來有彈性，八爪魚本身味道比較清淡，炭燒過之後，焦香味幾突出。Chargrilled RibeyeRibeye大大塊
餐廳佈置用心，大部份嘅凳都係由竹藤製成，而且擺放左多盤綠色植物，非常度假風，感覺好舒適同放鬆，基本上每一個都係打到卡嘅位置。
店員非常好客，知我哋第一次食黎巴嫩菜，都會詳細介紹食物俾我哋認識。
叫完嘢食，店員會先送一碟橄欖做餐前小食，橄欖味道濃郁，帶少少酸，幾開胃。
Mix Hummus plater
共有四種口味既鷹嘴豆泥，包括:檸檬芝麻醬口味、青瓜味、紅菜頭味同埋黑松露味。另外配兩塊彼得包，店員教嘅食法係將彼得包搣一小塊，再點hummus食，hummus口感順滑，有啲似食緊薯蓉嘅感覺，紅菜頭同埋檸檬芝麻口味味道清新。個人比較鍾意青瓜味同埋黑松露味，味道較為濃郁，帶點鹹香。
.
Feta Watermelon Salad
第一次食西瓜沙律，賣相紅卜卜好得意，西瓜清甜多汁，feta cheese 質地少許濕潤，微鹹重奶味，配西瓜幾夾幾開胃。
.
Chargrilled Octopus Tenticles
八爪魚鬚有咬口，柔軟得來有彈性，八爪魚本身味道比較清淡，炭燒過之後，焦香味幾突出。
Chargrilled Ribeye
Ribeye大大塊，香炭烤味道，而且牛味都出。另外有自家製薯條作為配菜，薯條好大條，外皮比一般薯條厚，好鬆脆，幾香薯仔味。
Shish Tawook
兩大串烤雞肉，啖啖肉好滿足，食到香濃既香料味，雞肉幾滑，仲有d肉汁，配埋薄餅一齊食，口感更豐富
Creamy Rice Pudding With Ice Cream
米布甸食落充滿奶香同米香，飯粒有咬口，配埋雲呢拿雪糕同果仁，味道更豐富。
飲品方面，同朋友分別叫咗一杯mocktail同cocktail
The Florist(左圖)
酒精易入口，帶清甜荔枝味。
Tea O’clock(右圖)
有新鮮薄荷同黑莓，清新得黎帶點印度香料味，幾特別~
張貼
